డిగ్రీ కోర్సు ని నిర్వీర్యం చెయ్యకండి
Andhra Pradesh Telugu | Suryaa Desk | Published : Sat, Oct 22, 2022, 03:27 PM
డిగ్రీ కోర్సును నాలుగేళ్లకు పెంచి సరైన ప్రమాణాలు పాటించకుండా డిగ్రీ వ్యవస్థను ప్రభుత్వం ప్రశ్నార్థకంగా మార్చిందని టీడీపీ రాష్ట్ర కార్యదర్శి డాక్టర్ దాసరి శ్యామ్చంద్ర శేషు విమర్శించారు. ఈ సందర్భంగా ఆయన మాట్లాడుతూ... ప్రభుత్వం ఏదైనా ఒక నూతన విధానాన్ని ప్రవేశపెడితే అది సమాజానికి ఉపయోగపడుతూ ఒక అడుగు ముందుకు వేసేలా ఉండాలి కానీ ఒక తరం వెనక్కి పోయే మాదిరిగా ఉండకూడదని హితవుపలికారు. గతంలో జూన్, జూలైలో సీట్లను భర్తీ చేసి... విద్యాసంవత్సరాన్ని మరల ఏప్రిల్, మే కి పూర్తి చేసేవారు. కానీ ఈ ప్రభుత్వం అక్టోబర్లో కౌన్సిలింగ్ నిర్వహించడం అంటే అకడమిక్ ఇయర్ను పూర్తిగా నాశనం చేయడమే అని మండిపడ్డారు. ఇప్పటి వరకు రాష్ట్రంలో మొదటి విడత కౌన్సిలింగ్ పూర్తి అయితే ప్రభుత్వ కళాశాలలో కేవలం 36% సీట్లు మాత్రమే భర్తీ అయ్యాయంటే ఎంత దారుణమైన పరిస్థితి ఉందో అర్థం చేసుకోవచ్చన్నారు.
|
|