అంగన్వాడీల సమస్యలపై ఐక్యమవుదాం
Andhra Pradesh Telugu | Suryaa Desk | Published : Sat, Nov 12, 2022, 07:26 PM
రోజు రోజుకు అంగన్వాడీల సమస్యలు పెరుగుతున్నాయి అని, సమస్యలు పరిష్కారానికి అంగన్వాడీ లు అందరూ ఐక్యం కావాలి అని అంగన్వాడీ వర్కర్స్ అండ్ హెల్పేర్స్ యూనియన్ జిల్లా అధ్యక్షులు డి సుదర్శనం అన్నారు. శనివారం కాశీబుగ్గ ప్రోజెక్ట్ పరిధిలో గల అంగన్వాడి వర్కర్స్ అండ్ హెల్పేర్స్ యూనియన్ మహాసభ బి ఆదిలక్ష్మి అధ్యక్షతన జరిగింది. ఈ సభకు ముఖ్య అతిథిగా హాజరైన ఆమె మాట్లాడుతూ ఐసిడిఎస్ ను పరి రక్షించి ఉదోగ భద్రత కల్పించి , అంగన్వాడీలను ప్రభుత్వ ఉద్యోగులుగా గుర్తించాలని డిమాండ్ చేశారు. రిటైర్ మెంట్ బెనిఫిట్ కల్పించాలని, జీతంలో సగం పెన్షన్ ఇవ్వాలని, కనీస వేతనాలు 26 వేలు ఇవ్వాలని డిమాండ్ చేస్తూ పోరాడుతున్నామని, ఈ పోరాటంలో ఐక్యంగా ఉండాలని ఆమె పిలుపు నిచ్చారు. సీఐటీయూ జిల్లా కార్యదర్శి ఎన్ గణపతి మాట్లాడుతూ పని భారం పెరుగుతుంది, పనికి తగ్గ ఫలితం లేదని అన్నారు. పెరుగుతున్న సమస్యలపై పోరాటాలకు సిద్ధం కావాలని అన్నారు. యూనియన్ కార్యకలాపాల నివేదిక కార్యదర్శి ఎం. మంజులాకుమారి ప్రవేశ పెట్టారు. అనంతరం నూతన కమిటిని ఎన్నుకొన్నారు. అధ్యక్ష, కార్యదర్శులుగా బి ఆదిలక్ష్మి, ఎం మంజులాకుమారి తో పాటు బి చామంతి, పి పద్మ, జె శైలజ, బి సునీత, రమ, అలివేని, మల్లీశ్వరి, కృష్ణవేణి, కె కృష్ణవేణి, కె సరస్వతి, తో పాటు 24 మందితో కమిటీ ఎన్నుకోవడం జరిగింది. కార్యక్రమంలో, బి స్వాతి, కుమారి, పుష్ప, విజయ తదితరులు పాల్గొన్నారు.
|
|