ట్రెండింగ్
జీవీఎల్ తప్పిన ప్రమాదం... నమస్కరించబోతే కాలితో తనిన్న ఆవు
Andhra Pradesh Telugu | Suryaa Desk | Published : Sat, Dec 10, 2022, 09:04 PM
అవును నమస్కరించబోయిన బీజేపీ రాజ్యసభ సభ్యుడు జీవీఎల్ నరసింహారావుకు ఒక ఊహించని అనుభవం ఎదురైంది. ఒక ఆవుకు నమస్కరించేందుకు వెళ్లగా అది ఆయనను వెనుక కాలితో తన్నింది. వివరాల్లోకి వెళ్తే గుంటూరులో మిర్చి ఎగుమతిదారుల అసోసియేషన్ కార్యాలయం ఈరోజు ప్రారంభమైంది. ఈ కార్యాలయాన్ని ప్రారంభించేందుకు జీవీఎల్ వచ్చారు. కార్యాలయం ప్రారంభోత్సవం కోసం అసోసియేషన్ వారు ఒక ఆవును తీసుకొచ్చారు. ఈ సందర్భంగా ఆవుకు నమస్కరించేందుకు వెళ్లగా అది ఆయనను తన్నింది. అయితే పెద్దగా దెబ్బ ఏమీ తగల్లేదు. మరోసారి మొక్కేందుకు ప్రయత్నించగా అది మరోసారి కాలు లేపింది. దీంతో, అక్కడున్న వారు ఆయనను పక్కకు తీసుకెళ్లారు. ఆ తర్వాత ఆయన అక్కడి నుంచి వెళ్లిపోయారు.
|
|