పది పరీక్షలకు అధికారుల నియామకం
Andhra Pradesh Telugu | Suryaa Desk | Published : Sat, Mar 18, 2023, 10:04 AM
కొలిమిగుండ్ల మండలంలో ఏప్రిల్ 3 నుంచి ప్రారంభం కానున్న పదో తరగతి పబ్లిక్ పరీక్షలకు అధికారుల నియామకం పూర్తయినట్లు ఎంఈఓ జిలానీ బాషా శుక్రవారం తెలిపారు. మండల వ్యాప్తంగా 487 మంది విద్యార్థులు పరీక్షలకు హాజరు కానున్నారన్నారు. కొలిమిగుండ్ల జిల్లా పరిషత్ ఉన్నత పాఠశాల, మోడల్ స్కూల్, అంకిరెడ్డి పల్లె జిల్లా పరిషత్ ఉన్నత పాఠశాలల్లో పరీక్షా కేంద్రాలు ఏర్పాటు చేశామన్నారు. కొలిమిగుండ్ల సెంటర్లో చీఫ్ సూపరింటెండ్గా పాఠశాల హెచ్ఎం సోమశేఖర్, డిపార్ట్మెంట్ ఆఫీసర్ అంకిరెడ్డిపల్లె ఉన్నత పాఠశాలకు చెందిన బాలసుబ్బారెడ్డిని ఉన్నతాధికారులు నియమించారన్నారు. మోడల్ స్కూల్ సెంటర్కు చీఫ్ చంద్రసేనారెడ్డి, డిపార్ట్మెంట్ ఆఫీసర్గా అంకిరెడ్డిపల్లె ఉన్నత పాఠశాల హెచ్ఎం సత్యనారాయణ, అంకిరెడ్డిపల్లె సెంటర్కు చీఫ్ గా పెట్ట్నికోట ఉన్నత పాఠశాలకు చెందిన ప్రభాకర్, డిపార్ట్మెంట్ ఆఫీసర్గా సంజామలకు చెందిన నాగరాజును నియమించారని తెలిపారు.
|
|