కన్న కూతురిని గర్భవతిని చేసిన తండ్రి,,,ఆలస్యంగా వెలుగులోకి వచ్చిన ఘటన

సభ్యసమాజం తలదించుకొనేలా విశాఖలోని గాజువాకలో దారుణం చోటుచేసుకుంది. కసాయి తండ్రి రక్త సంబంధానికి విలువ లేకుండా ప్రవర్తించాడు. కన్న కూతురైన మైనర్ బాలికను గర్భవతిని చేశాడు కసాయి మృగం. మేనమామ చొరవతో ఈ విషయం ఆలస్యంగా వెలుగులోకి వచ్చింది. తండ్రే కన్న కూతురిపై కామవాంఛ తీర్చుకున్న ఈ దారుణ ఘటన గంగవరం గ్రామంలో జరిగింది.

న్యూపోర్టు పోలీసులు దీనిపై కేసు నమోదు చేసుకుని దర్యాప్తు చేపడుతున్నారు. తండ్రి ముత్యాలను పోలీసులు అదుపులో తీసుకుని ప్రశ్నిస్తున్నారు. ఈ ఘటనపై మరింత విచారణ జరుపుతున్నట్లు న్యూపోర్టు పోలీసులు చెబుతున్నారు. స్థానికంగా ఈ ఘటన చర్చనీయాంశంగా మారింది. సొంత కూతురిని గర్భవతిని చేసిన ఈ కసాయి తండ్రిని కఠినంగా శిక్షించాలని స్ధానికులు డిమాండ్ చేస్తున్నారు. బాలిక గత కొద్దిరోజుల క్రితం గర్భవతి అయింది. బాలిక ప్రవర్తనలో మార్పులు కనిపించడంతో కుటుంబసభ్యులు అడిగారు. దీంతో జరిగిన విషయాన్ని బాలిక బయటపెట్టింది. తండ్రి చేసిన పాడు పనిని కుటుంబసభ్యులకు తెలిపింది. దీంతో కుటుంబసభ్యులు పోలీసులకు ఫిర్యాదు చేశారు. పోలీసులు రంగంలోకి దిగి నిందితుడిని అరెస్ట్ చేశారు.

నిందితుడిని కోర్టులో ప్రవేశపెట్టి రిమాండ్‌లోకి తీసుకున్నారు. కూతురిపై ఎప్పటినుంచి ఈ పనికి పాల్పడుతున్నాడనే విషయంపై ఆరా తీస్తున్నారు. బాలికను పోలీసులు ఆస్పత్రికి తరలించి చికిత్స అందిస్తున్నారు. గత కొంతకాలంగా ఇంట్లో ఎవరూ లేని సమయంలో కన్న కూతురిపై తండ్రి ముత్యాలు అత్యాచారానికి పాల్పడుతూ వచ్చాడని, దీంతో ఇటీవల గర్భవతి అయినట్లు చెబుతున్నారు. బాలిక ప్రస్తుతం స్థానికంగా ఓ స్కూల్‌లో పదో తరగతి చదువుతున్నట్లు పోలీసులు గుర్తించారు. ముత్యాలు తాగుడుకు బానిసయ్యాడని, రోజూ తాగుతూ ఉంటాడని పోలీసులు చెబుతున్నారు. తాగిన మత్తులో కూతురిపై పలుమార్లు అత్యాచారానికి పాల్పడినట్లు విచారణలో తేల్చారు. తాగేసి జులాయిగా తిరుగుతూ ఉంటాడని, సొంత కూతురిని లోబర్చుకుని కామవాంఛ తీర్చుకున్నట్లు తెలిపారు.

ఇటీవల బాలిక అనారోగ్యంతో బాధపడుతుండగా కుటుంబసభ్యులు ఆస్పత్రిలో చేర్పించారు. వైద్యులు పరీక్షించి బాలిక గర్బవతిగా తేల్చారు. దీంతో బాలికను ప్రశ్నించగా తన తండ్రి వ్యవహారం బయటపెట్టింది. దీని ఆధారంగా పోలీసులు కేసు నమోదు చేసుకున్నారు. అయితే ఇటీవల ఇలాంటి ఘటనలు ఎక్కువయ్యాయి. తరచూ ఇలాంటివి జరుగుతున్నాయి. కూతురిని ప్రేమగా, అల్లారుముద్దుగా పెంచుకుని పెద్ద చేయాల్సిన తండ్రులే వారి వారిట యముడిగా మారుతున్నారు. కూతురిపైనే అత్యాచారాలకు పాల్పడుతూ సమాజం తలదించుకునే పనులు చేస్తున్నారు. ఇలాంటి వారిని కఠినంగా శిక్షించాలని మహిళా సంఘాలు కోరుతున్నాయి.