ట్రెండింగ్
జనసేనతో కలసి ముందుకెళ్థాం..... ఆ పార్టీతో సమన్వయం కోసం నేడు టీడీపీ కమిటీ
Andhra Pradesh Telugu | Suryaa Desk | Published : Sun, Oct 15, 2023, 09:24 PM
ఏపీలో వైసీపీ సర్కార్ పై పోరాటానికి టీడీపీ, జనసేన పార్టీలు సిద్దమవుతున్నాయి. ఇదిలావుంటే ఇటీవల చంద్రబాబు అరెస్ట్ కాగా, జైలులో చంద్రబాబును పరామర్శించిన అనంతరం జనసేనాని పవన్ కల్యాణ్ టీడీపీతో పొత్తు పెట్టుకుంటున్నామని ప్రకటించిన సంగతి తెలిసిందే. ఈ నేపథ్యంలో, పొత్తు దిశగా టీడీపీ ముందడుగు వేసింది. జనసేనతో సమన్వయం కోసం నేడు టీడీపీ కమిటీని ఏర్పాటు చేసింది. దీనిపై ఏపీ టీడీపీ అధ్యక్షుడు కింజరాపు అచ్చెన్నాయుడు ఓ ప్రకటనలో వెల్లడించారు. టీడీపీ జాతీయ అధ్యక్షుడు చంద్రబాబు ఆదేశాల మేరకు జనసేన పార్టీతో సమన్వయం కోసం కమిటీని నియమించినట్టు వెల్లడించారు. ఇరు పార్టీల సమన్వయం కోసం ఈ కమిటీ పనిచేస్తుందని తెలిపారు.
కమిటీలోని సభ్యులు...
1. కింజరాపు అచ్చెన్నాయుడు
2. యనమల రామకృష్ణుడు
3. పయ్యావుల కేశవ్
4. పితాని సత్యనారాయణ
5. తంగిరాల సౌమ్య
|
|