నవంబర్ 24న తిరుమల శ్రీవారి స్పెషల్ ఎంట్రీ టికెట్స్ విడుదల
Andhra Pradesh Telugu | Suryaa Desk | Published : Fri, Nov 24, 2023, 11:11 PM
తిరుమల శ్రీవారి భక్తులకు టీటీడీ శుభవార్త వినిపించింది. 2024 ఫిబ్రవరి నెలకు సంబంధించిన 3 వందల రూపాయల ప్రత్యేక ప్రవేశ దర్శన టికెట్ల కోటాను నవంబరు 24న ఉదయం 10 గంటలకు ఆన్లైన్లో విడుదల చేయనున్నట్టు టీటీడీ ప్రకటించింది. దర్శన టికెట్లతో పాటు తిరుమల, తిరుపతిలో గదుల కోటాను 24న మధ్యాహ్నం 3 గంటలకు ఆన్లైన్లో విడుదల చేయనున్నట్టు టీటీడీ స్పష్టం చేసింది. టికెట్లు కావాలనుకునే భక్తులు టీటీడీకి సంబంధించిన https://ttdevasthanams.ap.gov.in వెబ్సైట్లో ముందస్తుగా దర్శన టికెట్లు, గదులను బుకింగ్ చేసుకోవాలని అధికారులు విజ్ఞప్తి చేశారు.
మరోవైపు.. తిరుమలలో 2024 ఫిబ్రవరి 16న రథసప్తమి పర్వదినం జరగనుండగా.. ఆ వేడుకకు సంబంధించిన శ్రీవారి సేవ స్లాట్లను నవంబరు 27న ఉదయం 10 గంటలకు టీటీడీ ఆన్లైన్లో విడుదల చేయనుంది. 18 నుంచి 50 ఏళ్ల వరకు వయసున్న వారు ఈ స్లాట్లను బుక్ చేసుకోవచ్చని అధికారులు తెలిపారు. తిరుమల, తిరుపతిలో భక్తులు స్వచ్ఛంద సేవ చేసేందుకు జనవరి, ఫిబ్రవరి నెలలకు సంబంధించి శ్రీవారి సేవ, నవనీత సేవ కోటాను నవంబరు 27న మధ్యాహ్నం 12 గంటలకు విడుదల చేయనున్నారు. అదే రోజు మధ్యాహ్నం 3 గంటలకు పరకామణి సేవ కోటాను కూడా టీటీడీ విడుదల చేయనుంది. ఈ సేవల స్లాట్లను www.tirumala.org వెబ్సైట్లో భక్తులు బుక్ చేసుకునే అవకాశాన్ని టీటీడీ కల్పించింది.
|
|