ట్రెండింగ్
మాట తప్పడం బాబుకి అలవాటే
Andhra Pradesh Telugu | Suryaa Desk | Published : Mon, Jul 29, 2024, 09:15 PM
ఎన్నికల స‌మ‌యంలో చంద్రబాబు ఇచ్చిన సూపర్ -6 పథకాలు అమలు చేయలేమని చేతులెత్తేశార‌ని మాజీ ఎమ్మెల్యే టీజేఆర్ సుధాక‌ర్‌బాబు విమ‌ర్శించారు. మేము ఎన్నికల ముందే చెప్పాం బాబు ఇచ్చిన హామీలు అమలు సాధ్యం కాదని.. ఎన్నికల ముందు ఒకమాట ఎన్నికలు అయిపోయాక ఒక మాట చెప్పడం బాబుకి అలవాటే. జ‌నాలు సూపర్ -6 పథకాలు అమలు చేయమని అడుగుతుంటే.. కాదు మేము రెడ్ బుక్ రాజ్యాంగమే (దాడులు ,దౌర్జన్యాలు ,హత్యలు) అమలు చేస్తామని తెలుగుదేశం పార్టీ కూటమి ప్రభుత్వం అంటోంద‌న్నారు. త‌న సుదీర్ఘమైన అనుభవంతో సంపద సృష్టిస్తానని చెప్పిన ముఖ్యమంత్రి చంద్రబాబు నాయుడు, ఇప్పుడు హామీలపై నాలుక మడతేస్తున్నారని.. దీనిపై డిప్యూటీ సీఎం పవన్‌ కూడా మౌనంగా ఉండిపోయారని సుధాకర్ బాబు మండిపడ్డారు.
|
|