రూ.10 వేల పొదుపుతో రూ.1.14 కోట్లు..,,,హెచ్‌డీఎఫ్‌సీ స్కీమ్..

దిగ్గజ అసెట్ మేనేజ్మెంట్ కంపెనీల్లో ఒకటైన హెచ్‌డీఎఫ్‌సీ మ్యూచువల్ ఫండ్ నుంచి వచ్చిన స్మాల్ క్యాప్ ఫండ్ (Small Cap Fund) అదరగొట్టింది. తమ ఇన్వెస్టర్ల తల రాతను మార్చేసింది. ఈ స్కీమ్ లాంచ్ అయి 17 సంవత్సరాల 8 నెలలు పూర్తవుతోంది. ఈ క్రమంలో ఈటీ మనీ ఫండ్స్ ఈ ఫండ్‌ని విశ్లేషించింది. 2008 ఏప్రిల్ 3వ తేదీన ఈ ఫండ్ లాంచ్ అయినప్పుడు ఇన్వెస్టర్ రూ. 10 వేలతో నెల నెలా సిస్టమాటిక్ ఇన్వెస్ట్‌మెంట్ ప్లాన్ (సిప్) ప్రారంభించి.. ఇప్పటి వరకు కొనసాగి ఉంటే ఆ ఫండ్ విలువ రూ. 1.14 కోట్లు అవుతుంది. ఈ స్కీమ్ వార్షిక రాబడి 18.03 శాతంగా ఉంది.

సిప్ పని తీరు ఇలా..

10 సంవత్సరాల క్రితం రూ. 10,000 నెలవారీ సిప్ పెట్టుబడి చేసి ఉంటే 19.01 శాతం వార్షిక రాబడితో ప్రస్తుతం ఆ విలువ ప్రస్తుతం రూ. 32.60 లక్షలు అవుతుంది. గత 5 సంవత్సరాల్లో చూస్తే రూ. 10,000 సిప్ పెట్టుబడి ఇప్పుడు 23.22 శాతం వార్షిక రాబడితో ప్రస్తుతం రూ. 10.64 లక్షలు అవుతుంది. గత 3 సంవత్సరాల్లో 16.22 శాతం రాబడితో రూ. 10,000 సిప్ రూ. 4.57 లక్షల అయి ఉంటుంది.

  లంప్‌సమ్ పెట్టుబడి పనితీరు ఇలా

2008లో హెచ్‌డీఎఫ్‌సీ స్మాల్ క్యాప్ ఫండ్‌లో రూ. 1 లక్ష ఒకేసారి లంప్‌సమ్ విధానంలో ఇన్వెస్ట్ చేసి ఇప్పటి వరకు కొనసాగి ఉంటే ఆ విలువ రూ. 12.49 లక్షలుగా అవుతుంది. గత 10 సంవత్సరాల్లో ఈ స్కామ్ రూ. లక్ష లంప్సమ్ పెట్టుబడి పెట్టినట్లయితే ఇప్పుడు రూ. 4.94 లక్షలు అవుతుంది. 5 సంవత్సరాల క్రితం రూ. 1 లక్ష ఇన్వెస్ట్ చేస్తే ఇప్పుడు రూ. 4.36 లక్షలు అవుతుంది. 3 సంవత్సరాల క్రితం రూ. లక్ష పెడితే ఇప్పుడు రూ. 1.72 లక్షలు అందేవి.

అయితే, ఈ కథనం సమాచారం కోసమే. ఎలాంటి మ్యూచువల్ ఫండ్ పెట్టుబడులను ప్రోత్సహించేందుకు కాదు. ఇందులోనూ హైరిస్క్ ఉంటుంది. గతంలో వచ్చిన ఫలితాలు భవిష్యత్తులో వస్తాయని కచ్చితంగా చెప్పలేం. అన్ని వివరాలు పూర్తిగా తెలుసుకుని ఇన్వెస్ట్ చేయాలి. లేదంటే పెట్టుబడి మొత్తం నష్టపోయే ప్రమాదం ఉంటుంది. రిస్క్ తీసుకునే సామర్థ్యం, తమ ఆర్థిక లక్ష్యాల వంటి అంశాలను పరిగణనలోకి తీసుకుని ఇన్వెస్ట్ చేయాలి. అప్పుడే అనుకున్న లక్ష్యాన్ని చేరుకోవచ్చు.