అటెండర్ను చెప్పుతో కొట్టిన సీఐ, వాటాల్లో తేడాలు రావడమే కారణమా.
Andhra Pradesh Telugu | Suryaa Desk | Published : Sat, May 17, 2025, 07:28 PM
కళ్యాణదుర్గం ఎక్సైజ్ సిఐ హసీనా భాను తాజాగా వివాదంలో చిక్కుకున్నారు. సిఐ హసీనాబాను అటెండర్ ను చెప్పుతో కట్టిన సంఘటన ఒకటి వివాదంగా మారింది. రెండు రోజుల క్రితం జరిగిన ఈ ఘటన ఆలస్యంగా వెలుగులోకి వచ్చింది. తన పేరు చెప్పి డబ్బులు వసూలు చేస్తున్నారంటూ అటెండర్ పైన ఆగ్రహం వ్యక్తం చేశారు సిఐ హసీనా భాను. ఈ విషయమై తనకేమి తెలియదని సదరు అటెండర్ ఆమెతో వాగ్వాదానికి దిగాడు. ఈ క్రమంలో ఇద్దరి మధ్య మాటా మాటా పెరికి ఆగ్రహానికి లోనైన సిఐ హసీనా బాను అటెండర్ ను చెప్పుతో కొట్టారు. దీనికి సంబంధించిన వీడియో బయటకు వచ్చింది. నెలవారి వసూలు చేసిన డబ్బుల్లో తేడాలు రావడం సిఐ పేరు బహిర్గతం చేయడంతో ఏకంగా ఎక్సైజ్ శాఖ అధికారుల ముందే అటెండర్ ను చెప్పుతో కొట్టారని అంటున్నారు. దీంతో కళ్యాణదుర్గం ఎక్సైజ్ సిఐ హసీనాబానుపై చర్యలు తీసుకోవాలని స్థానికుల నుంచి డిమాండ్లు వినిపిస్తున్నాయి.
|
|