ఎంత ట్రై చేసినా బరువు తగ్గట్లేదా, మీరు కొన్ని మిస్టేక్స్ చేస్తున్నారేమో

బరువు తగ్గడం వల్ల ఎక్కువగా ఎనర్జిటిక్‌గా మారడమే కాకుండా హెల్త్ ప్రాబ్లమ్స్ కూడా తగ్గుతాయి. వెయిట్ లాస్ జర్నీలో ఫుడ్, లైఫ్‌స్టైల్ చాయిసెస్, ఆక్టివిటీస్, జెనెటిక్స్, మెటబాలిజం, హెల్త్ ప్రాబ్లమ్స్ వీటన్నింటిని గుర్తుంచుకోవాలి. వీటి కారణంగానే మనం ఎలాంటి జాగ్రత్తలు తీసుకోవాలి. ఏవి ఫాలో అయితే, ఎలా బరువు తగ్గుతారని అనేది ఉంటుంది. ఈ నేపథ్యంలోనే బరువు తగ్గించే టిప్స్ గురించి కొన్ని ఎఫెక్టివ్ హ్యాబిట్స్ విషయంలో చాలా మంది కన్‌ఫ్యూజ్ అవుతారు. ఆ కన్‌ఫ్యూజన్‌లోనే ఎక్కువగా మిస్టేక్ చేస్తారు. వాటి గురించి ఫేమస్ న్యూట్రిషనిస్ట్ రుజుతా దివేకర్ కొన్ని టిప్స్‌ని షేర్ చేసుకుంటున్నారు. అసలు చాలా మంది చేసే ఆ మిస్టేక్స్ ఏంటంటే

ఓ రోజుకోసం ఎదురుచూడకుండా

చాలా మంది బరువు తగ్గేందుకు చేసే పనులని ప్రత్యేకమైన రోజులో ప్రారంభించాలని చూస్తుంటారు. ఉదాహారణకి వచ్చే సంవత్సరం స్టార్టింగ్ నుంచి, వచ్చే నెల నుంచి అంటూ పోస్ట్‌పోన్ చేస్తారు. దీని వల్ల రోజులు గడుస్తాయి. కానీ, ముందడుగు పడదు. అలాంటి వాటికి టాటా చెప్పి ఈ రోజే మంచి హ్యాబిట్స్‌ని ఫాలో అ్వండి. హెల్దీ ఫుడ్ తీసుకోండి. రెగ్యులర్ వర్కౌట్ చేయండని చెబుతున్నారు రుజుతా దివేకర్.

ఎంత తగ్గామన్నది కాదు, ఎలా ఉన్నామనేది గుర్తుంచుకోవాలి

​బరువు తగ్గడంలో చాలా మంది ఎన్నికిలోలు తగ్గారో అది మాత్రమే చెక్ చేస్తారు. నిజానికీ ఇది అసలు విషయం కాదు. బరువు తగ్గడం కంటే ఎలా హెల్దీగా మారుతున్నామనేది చూసుకోవాలి. ఆరోగ్యం ఎలా ఉందనేది గమనించాలి. అంతేకానీ, నెంబర్స్ లెక్కపెట్టడం కాదనేది గుర్తుంచుకోవాలి.

మంచి లైఫ్‌స్టైల్

మంచి లైఫ్‌స్టైల్ ఫాలో అవ్వాలంటే కొన్ని మార్పులు చేయాలి. కానీ, అవి మనల్ని ఇబ్బంది పెట్టొద్దు. అదేంటంటే మనకోసం ఉపయోగపడే లైఫ్‌స్టైల్ యాప్స్, ప్రోడక్ట్స్, ట్యాబ్లెట్స్ అని ఫాలో అయ్యేవి మొదట్లో బానే ఉన్నా రాన్రాను ఇబ్బందిగా ఫీల్ అవుతాం. అలా కాకుండా మంచి లైఫ్‌స్టైల్ హాయిగా నిద్ర, ఇంట్లోనే వండుకుని తినడం, ఫుడ్‌ని ఎంజాయ్ చేయడం, వీలైనంత వరకూ వర్కౌట్ చేయడం వంటివి ఫాలో అవ్వాలి. వీటి వల్ల ఈజీగానే బరువు తగ్గుతారు.

మొత్తంగా

బరువు తగ్గాలనుకునేవారు కేవలం తగ్గడం గురించే ఫోకస్ చేయకుండా హెల్దీ లైఫ్‌స్టైల్ ఫాలో అవ్వండి. దీని వల్ల ఆరోగ్యంగా మారడంతో పాటు ఎలాంటి సమస్యలు రాకుండానే ఈజీగా బరువు తగ్గుతారు. స్ట్రెస్ లేకుండా, కంగారు పడకుండా హ్యాపీగా బరువు తగ్గే ప్రయత్నం చేయండి.