ముఖంపై నల్లమచ్చల్ని తగ్గించే జాజికాయ పొడి,

అందం అనగానే చాలా మంది తెల్లని చర్మం ఉండాలనుకునేవారు ఇంతకుముందు రోజుల్లో. కానీ, చాలావరకూ పెరిగిన అవగాహనతో ఏ రంగు చర్మమైనా సరే ఆరోగ్యంగా ఉంటే చాలు. అందంగా అదే కనిపిస్తుందని అనుకుంటన్నారు. అలాంటి వారు కూడా వారికి ఉండే చర్మాన్ని ఎలా కాపాడుకోవాలో తెలుసుకోవాలి. ముఖ్యంగా, చర్మంపై మొటిమలు, మచ్చలు రాకుండా ఏం చేయాలో తెలుసుకోవాలి. అన్ని సమస్యలకి క్రీమ్స్, లోషన్స్ మాత్రమే కాకుండా కొన్ని ఇంటి చిట్కాలు కూడా పనిచేస్తాయి. అందులో ఒకటే జాజికాయ ఫేస్‌ప్యాక్.

చర్మంలోని కొన్ని భాగాల్లో ఎక్కువ మెలనిన్ ఏర్పడితే ఆ భాగాలపై నల్లని మచ్చలు ఏర్పడతాయి. ఆ మచ్చలతో ముఖం చూడ్డానికి ఇబ్బందిగా అనిపిస్తుంది. అలాంటప్పుడు మచ్చల్ని దూరం చేయడానికి కొన్ని ఇంటి చిట్కాలు ఫాలో అవ్వొచ్చు. నల్లని మచ్చలు సమస్యని దూరం చేయడంలో జాజికాయ పొడి బాగా పనిచేస్తుంది. జాజికాయని వాడడం వల్ల ముఖంపై మచ్చలు తగ్గడమే కాదు. మొటిమలు కూడా రాకుండా ఉంటాయి. దీనికోసం జాజికాయని ఎలా వాడాలో తెలుసుకోండి.

కావాల్సిన పదార్థాలు

కావాల్సిన పదార్థాలు

2 టీస్పూన్ల జాజికాయ పొడి

2 టీస్పూన్ల దాల్చిన చెక్క పొడి2 టీస్పూన్ల తేనె

ఏం చేయాలి

మచ్చల్ని తొలగించేందుకు ముందుగా ఓ గిన్నెలో 2 టీ స్పూన్ల జాజికాయ పొడిని తీసుకోవాలి. అందులో తేనె కలపండి. అందులో కొద్దిగా పాలు కలిపి ప్యాక్‌లా చేయండి.

ఎలా అప్లై చేయాలి?

ముందుగా ముఖానికి ప్యాక్‌ని అప్లై చేయాలి. 10 నిమిషాల తర్వాత ఫేస్‌ప్యాక్‌ని క్లీన్ చేయండి. ఇలా చేస్తే ముఖం బ్రైట్‌గా కనిపిస్తుంది. దీని వల్ల మొటిమలు, మచ్చలు తగ్గుతాయి. దీని వల్ల ముఖంపై పేరుకుపోయిన అదనపు నూనె కూడా తొలగిపోతుంది.

జాజికాయ

జాజికాయలో యాంటీ ఇన్‌ఫ్లమేటరీ గుణాలు ఉన్నాయి. ఇవి చర్మాన్ని చల్లబరిచి ఎర్రబడడాన్ని తగ్గిస్తుంది. అంతేకాకుండా మొటిమలు, మొటిమల తాలుకూ మచ్చలు కూడా తగ్గుతాయి. ​

జాజికాయ పొడి రాయడం వల్ల డెడ్ స్కిన్ సెల్స్ తగ్గుతాయి. స్కిన్ స్మూత్‌గా మారుతుంది. అంతేకాకుండా వాపు తగ్గి మొటిమలు, మచ్చలు, స్కార్స్ కూడా తగ్గుతాయి.

తేనె

తేనెలో హైడ్రోజెన్ పెరాక్సైడ్స్‌తో పాటు ఇతర గుణాలు ఉన్నాయి. ఇవి యాక్నేని కలిగించే బ్యాక్టీరియాతో పోరాడి ఇన్‌ఫ్లమేషన్‌ని తగ్గిస్తాయి. దీని వల్ల బ్రేకౌట్స్ తగ్గుతాయి. అంతేకాకుండా, తేనె రాయడం వల్ల స్కిన్ ఇరిటేషన్ తగ్గుతుంది. చర్మం ఎర్రబడదు. వాపు తగ్గి యాక్నే, యాక్నే స్కార్స్ కూడా దూరమవుతాయి. దీనిని నేరుగా కూడా ముఖానికి రాయొచ్చు. లేదా ఏదైనా ప్యాక్స్‌లో కూడా ముఖానికి అప్లై చేయొచ్చు.

దాల్చిన చెక్క

దాల్చిన చెక్కలోని గుణాలు యాక్నే, ఇన్‌ఫ్లమేషన్‌ని తగ్గిస్తుంది.

ఇందులోని యాంటీ ఆక్సిడెంట్స్ స్కిన్ డ్యామేజ్ కాకుండా హెల్ప్ చేసి స్కిన్‌ని ఈవెన్‌గా చేస్తుంది. దాల్చినచెక్కలోని గుణాలు స్కిన్‌ని ఎక్స్‌ఫోలియేట్ చేస్తాయి. వీటి వల్ల మచ్చలు తగ్గుతాయి.

పసుపు, తేనె

పసుపు, తేనె రెండు కూడా మంచి కాంబినేషన్ ఇవి రెండు విడివిడిగానే ముఖంపై సమస్యల్ని దూరం చేయడంలో హెల్ప్ చేస్తాయి. వీటిని రెండింటిని కలిపి రాయడం వల్ల ఇన్‌ఫ్లమేషన్ తగ్గుతుంది. దీనికి కారణం ఇందులోని యాంటీ బ్యాక్టీరియల్, యాంటీ ఇన్‌ఫ్లమేటరీ గుణాలు. ఈ రెండింటి కలయిక ముఖంపై ఉన్న మొటిమలు, మచ్చల్ని తగ్గిస్తాయి.

వీటితో పాటు

ఇప్పుడు చెప్పిన టిప్స్‌తో పాటు మరికొన్ని అప్లై చేస్తే ముఖంపై మచ్చలు తగ్గుతాయి. అవేంటంటే

అలోవెరా

అలోవెరాలో మాయిశ్చరైజింగ్ గుణాలు ఉన్నాయి. దీని వల్ల ఇన్‌ఫ్లమేషన్ తగ్గి స్కిన్ రిపేర్ అవుతుంది. దీనికోసం తాజా అలోవెరాని రోజుకి ముఖం, మచ్చలపై రాయాలి.

నిమ్మరసం

నిమ్మరసం నేచురల్ బ్లీచింగ్ ఏజెంట్‌లా పనిచేస్తుంది. ఇది మచ్చల్ని తగ్గించి స్కిన్‌ని రిపేర్ చేస్తుంది. దీనికోసం టీ స్పూన్ నిమ్మరసంలో, టీ స్పూన్ తేనె కలిపి రాయాలి. దీనిని మచ్చలు, మొటిమలపై రాసి 15 నిమిషాల పాటు ఉంచాలి. తర్వాత క్లీన్ చేయాలి.

దోసరసం

దోసరసంలోని గుణాలు కూడా పాలిపోయిన చర్మాన్ని కూడా తాజాగా మారుస్తుంది. దీనిని రాయడం వల్ల ముఖంపై మచ్చలు, స్కార్స్ తగ్గి స్కిన్ టెక్చర్ పెరుగుతుంది. దీనికోసం దోస ముక్కల్ని నేరుగా ముఖానికి రాయొచ్చు. లేదంటే దోసరసాన్ని ఫేస్‌ప్యాక్స్‌‌లో కలిపి అప్లై చేయండి.