జింబాబ్వేపై భారీ ఆధిక్యంలో న్యూజిలాండ్ జట్టు,,,,చెలరేగిన కివీస్ బ్యాటర్లు

చిన్న చిన్న క్రికెట్ టీమ్స్‌ని యంకరేజ్ చేసేందుకు ఐసీసీ శతవిధాలా కృషి చేస్తోంది. ఒకప్పటి టామ్ టీమ్.. ఇప్పటి పసికూన జింబాబ్వే జట్టును మరింత మెరుగు పరిచేందుకు పెద్ద పెద్ద జట్లపై సిరీస్‌లను నిర్వహిస్తోంది. అయితే, ఇదే అవకాశంగా మలుచుకొని ఆ జట్టుపై భారీ స్కోర్లు చేస్తూ రికార్డులు బ్రేక్ చేస్తున్నారు. మొన్నామధ్య సౌతాఫ్రికా జట్టు జింబాబ్వేతో టెస్టు సిరీస్ ఆడింది. అందులో ముల్దర్ ఆల్‌మోస్ట్ ప్రపంచ రికార్డును టచ్ చేశాడు. ఇప్పుడు న్యూజిలాండ్ ప్లేయర్లు సెంచరీల మీద సెంచరీలు చేస్తున్నారు.

రెండు టెస్టుల సిరీస్ కోసం జింబాబ్వే వెళ్లిన న్యూజిలాండ్ జట్టు పసికూనలపై తమ ప్రతాపం చూపిస్తోంది. మొదటి టెస్టులో తొమ్మిది వికెట్ల తేడాతో గెలిచిన కివీస్.. రెండో టెస్టులో మాత్రం రికార్డులు సృష్టించాలని ఫిక్స్ అయినట్టుంది. బులవాయో వేదికగా క్వీన్ స్పోర్ట్స్ క్లబ్ మైదానంలో జరుగుతున్న రెండో టెస్టులో న్యూజిలాండ్ జట్టు భారీ ఆధిక్యం దిశగా పయనిస్తోంది.

ఈ టెస్టులో టాస్ గెలిచిన జింబాబ్వే జట్టు తొలుత బ్యాటింగ్ ఎంచుకుంది. మ్యాట్ హెన్రీ ఐదు వికెట్లు, జాకరీ ఫోక్స్ నాలుగు వికెట్లతో చెలరేగడంతో జింబాబ్వే కేవలం 125 పరుగులకే ఆలౌట్ అయింది. తొలి రోజే బ్యాటింగ్‌కి వచ్చిన న్యూజిలాండ్ జట్టు మొదటి రోజే ఆధిక్యం సాధించింది. రెండో ఇన్నింగ్స్ ఆడకూడదని ఫిక్స్ అయిన కివీస్ బ్యాటర్లు వచ్చినోడు వచ్చినట్టు బాదుతూనే ఉన్నాడు.

న్యూజిలాండ్ ఓపెనర్లు దేవాన్ కాన్వే , విల్ యంగ్ తొలి వికెట్‌కు 162 పరుగుల భాగస్వామ్యం నెలకొల్పారు. విల్ యంగ్ 74 పరుగుల వద్ద అవుటవ్వగా, జాకబ్ డప్ఫీ 36 పరుగులు చేసి వికెట్ కోల్పోయాడు. దేవాన్ కాన్వే 245 బంతుల్లో 18 బౌండరీలతో 153 పరుగులు చేశాడు. 345 పరుగులకు మూడు వికెట్లు కోల్పోయిన ఆ జట్టు రెండో రోజు ఆట ముగిసినా నాలుగో వికెట్ మాత్రం చేజార్చుకోలేదు.

హెన్రీ నికోలస్ , రచిన్ రవీంద్ర జింబాబ్వేపై యుద్ధం ప్రకటించినట్టు హిట్టింగ్ చేస్తున్నారు. రచిన్ రవీంద్ర అయితే టీ20 రేంజ్‌లో దూకుడుగా ఆడుతున్నాడు. రెండో రోజు ఆట ముగిసే సమయానికి న్యూజిలాండ్ జట్టు 3 వికెట్ల నష్టానికి 601 పరుగులు చేసింది. హెన్రీ నికోలస్ 150, రచిన్ రవీంద్ర 139 బంతుల్లో 165 పరుగులతో క్రీజులో కొనసాగుతున్నారు. న్యూజిలాండ్ ప్రస్తుతం 476 పరుగుల ఆధిక్యంలో కొనసాగుతోంది.

గతంలో ఇదే వేదిక మీద జింబాబ్వేపై సౌతాఫ్రికా కెప్టెన్‌గా ఉన్న వియాన్ ముల్డర్ ఏకంగా 367 పరుగులతో నాటౌట్‌గా నిలిచాడు. బ్రియాన్ లారా 400 స్కోర్‌ను అధిగమించే అవకాశం వచ్చినప్పటికీ అతనిపై గౌరవంతో ఇన్నింగ్స్‌ను డిక్లేర్ చేశాడు. ఆస్ట్రేలియా మాజీ క్రికెటర్ మాథ్యూ హేడెన్ కూడా జింబాబ్వేపైనే 350 స్కోర్ నమోదు చేశాడు. న్యూజిలాండ్ తీరు చూస్తుంటే రచిన్ రవీంద్ర కూడా మూడో రోజు భారీ స్కోర్ చేసే అవకాశం కనిపిస్తోంది. మొత్తానికి జింబాబ్వేతో మ్యాచ్ అంటే ఏదో రికార్డుల కోసం సాగే సిరీస్‌లా మారింది.