చిన్న వయసులోనే మీ జుట్టు తెల్లబడుతోందా

చిన్న వయసులోనే మీ జుట్టు తెల్లబడుతోందా? నో టెన్షన్ ఇప్పుడు చెప్పే ఫుడ్స్ తింటే తెల్ల జుట్టు నల్లగా మారుతుంది

ఈ రోజుల్లో చాలా మంది చిన్న వయసులోనే జుట్టు నెరసే సమస్యతో ఇబ్బంది పడుతున్నారు. గతంలో 40 నుంచి 45 ఏళ్ల దాటిన తర్వాత ఈ సమస్య కనిపించేంది. కానీ, ఇప్పుడు పిల్లలు, యువతలో కూడా ఇది సర్వసాధారణంగా మారింది. దీని వెనక చాలా కారణాలు ఉండొచ్చు. చాలా మంది ఒత్తిడిని అనుభవిస్తున్నారు. నిద్రలేమి, ఏది పడితే అది తినడం వంటి కారణాల వల్ల తెల్ల జుట్టు వస్తుంది. అయితే, మెలనిన్ అనే వర్ణద్రవ్య పదార్థం ద్వారా జుట్టు రంగు నిర్ణయించబడుతుదని మీకు తెలుసా?

మెలనిన్ అనేది జుట్టుకు రంగును ఇచ్చే సహజ వర్ణద్రవ్యం. శరీరంలో మెలనిన్ ఉత్పత్తి తగ్గినప్పుడు, జుట్టు క్రమంగా బూడిద రంగులోకి మారడం ప్రారంభమవుతుంది. ఇది సహజమైన ప్రక్రియ అయినప్పటికీ, కొన్ని విషయాలను జాగ్రత్తగా చూసుకోవాలి. ఆహారంలో మార్పులు చేయడం ద్వారా తెల్ల జుట్టు సమస్యను చాలా కాలం పాటు నివారించవచ్చని నిపుణులు అంటున్నారు. కొన్ని ఫుడ్స్ రెగ్యులర్‌గా తినడం వల్ల మెలనిన్ స్థాయిలు పెరుగుతాయి. ఆ ఫుడ్స్ ఏంటో ఇప్పుడు తెలుసుకుందాం.

ఉసిరి

​ఉసిరి కాయ ఈ సీజన్‌లో ఎక్కువగా దొరుకుతుంది. ఇది శరీరానికి మాత్రమే కాకుండా జుట్టు ఆరోగ్యానికి కూడా మేలు చేస్తుంది. ఇందులో యాంటీ ఆక్సిడెంట్లు, విటమిన్ సి ఉంటాయి. రోజూ ఉసిరి తినడం వల్ల జుట్టు పొడుగ్గా, బలంగా మారుతుంది. అంతేకాకుండా ఉసిరిలోని పోషకాలు జుట్టు కుదుళ్లలో మెలనిన్ ఉత్పత్తిని పెంచడంలో సాయపడతాయి. దీంతో, తెల్ల జుట్టు సమస్యను నివారించవచ్చు. రోజుకోక ఉసిరి తినడం వల్ల ఈ ప్రయోజనం చేకూరుతుంది. అంతేకాకుండా ఉసిరి నూనె లేదా ఉసిరిని ఉపయోగించి హెయిర్ మాస్క్ కూడా అప్లై చేయవచ్చు.

గుడ్డు

గుడ్డు ప్రోటీన్ యొక్క గొప్ప మూలం. ఇది మన శరీరానికి చాలా ప్రయోజనకరంగా ఉంటుంది. ఇది జుట్టుకు కూడా ఒక వరం. ఇది జుట్టులో మెలనిన్ ఉత్పత్తిని సహజంగా పెంచడానికి పనిచేస్తుంది. గుడ్డు జుట్టును బలపరుస్తుంది. సిల్కీగా చేస్తుంది. గుడ్లు తినడంతో పాటు, దాని మాస్క్‌ను జుట్టుకు అప్లై చేయవచ్చు. ఇలా చేయడం వల్ల జుట్టుకు తగిన పోషకాలు అందుతాయని నిపుణులు అంటున్నారు.

క్యారెట్

క్యారెట్లు శరీరంలోని అనేక సమస్యలను నయం చేస్తాయి. దీనిని తినడం ద్వారా శరీర బలహీనత తగ్గిపోతుంది. అంతేకాకుండా తెల్ల జుట్టు సమస్య తగ్గడంతో పాటు శరీరంలోని హిమోగ్లోబిన్ స్థాయి కూడా పెరుగుతుంది. క్యారెట్లు జుట్టులో రక్త ప్రసరణను పెంచుతాయి. జుట్టు వేగంగా పెరిగేలా చేస్తాయి. క్యారెట్ తినడం వల్ల అకాల బూడిద జుట్టు సమస్య నుంచి ఉపశమనం లభిస్తుంది. అందుకే మీ రోజువారీ ఆహారంలో క్యారెట్ చేర్చుకోవాలని నిపుణులు సూచిస్తున్నారు.

బ్రకోలీ

బ్రకోలీ ఒక సూపర్ ఫుడ్. ఇది ఒక కూరగాయ. బ్రకోలీ తినడం వల్ల రోగనిరోధక శక్తి బలపడుతుంది. క్యాన్సర్ ప్రమాదం తగ్గుతుంది. ఇది అనేక ఇతర వ్యాధుల నుంచి రక్షిస్తుంది. తెల్ల జుట్టు సమస్యతో బాధపడేవారు బ్రకోలీని ఆహారంలో చేర్చుకోవాలి. ఇది సహజంగా మెలనిన్ ఉత్పత్తిని ప్రోత్సహిస్తుంది. జుట్టుకు తగిన పోషణ అందిస్తుంది. అందుకే బ్రకోలీని మీ ఆహారంలో చేర్చుకోవాలని నిపుణులు చెబుతున్నారు.

బ్లాక్ టీ

జుట్టును నల్లగా చేయడానికి, మెరుపును తీసుకురావడానికి బ్లాక్ టీ తాగవచ్చు. ఇందులో ఉండే యాంటీఆక్సిడెంట్లు, టానిక్ యాసిడ్ జుట్టును నల్లగా మారుస్తాయి. అంతేకాకుండా జుట్టుకు తగిన పోషణ అందించి కురుల్ని బలంగా మారుస్తాయి. రోజంతా 1 కప్పు బ్లాక్ టీ తాగవచ్చు. బ్లాక్ టీలో యాంటీ ఆక్సిడెంట్లు ఎక్కువగా ఉంటాయి. కొలెస్ట్రాల్ స్థాయిల్ని మెరుగుపర్చడమే కాకుండా గుండె ఆరోగ్యాన్ని కాపాడుతుంది. ఇది బరువు తగ్గడానికి కూడా సాయపడుతుంది. ఇది సహజం మెలనిన్ ఉత్పత్తిని ప్రోత్సహిస్తుంది.