ఫేస్పై కనిపించే కొన్ని లక్షణాలని నిర్లక్ష్యం చేస్తే మీకే నష్టం
Health beauty | Suryaa Desk | Published : Wed, Aug 13, 2025, 10:50 PM
వి..టమిన్ డి అనేది చాలా ముఖ్యమైన పోషకం. ఇది బాడీలో సరిగ్గా ఉంటేనే ఎముకలు ఆరోగ్యంగా ఉంటాయి. ఇమ్యూనిటీ సరిగ్గా ఉంటుంది. లేదంటే చాలా సమస్యలు వస్తాయి. విటమిన్ డి సరిపడా లేదని మనం ముఖాన్ని చూసే ఎలా తెలుసుకోవచ్చో తెలుసుకోండి
ముఖాన్ని చూసేవిటమిన్ డి తగ్గిందని చెప్పేయొచ్చు, ఫేస్పై కనిపించే కొన్ని లక్షణాలని నిర్లక్ష్యం చేస్తే మీకే నష్టం
విటమిన్ డి సరిగ్గా ఉంటే ఇమ్యూనిటీ పెరగడంతో పాటు మానసిక స్థితి మెరుగ్గా మారుతుంది. దీని కారణంగా మన చర్మం, జుట్టు, గోళ్లకి కూడా మేలు జరుగుతుంది. బాడీలో విటమిన్ డి కీ రోల్ పోషిస్తుంది. శరీరంలో విటమిన్ డి అనేది తగినంత లేకపోతే దానినే విటమిన్ డెఫీషియన్సీ అంటారు. ఈ సమస్య ఉంటే ఇమ్యూనిటీ తగ్గడమే కాకుండా, అలసట, ఒంటి నొప్పలు, కండరాలు బలహీనంగా మారడం, గాయాలు తగ్గకపోవడం, జుట్టు రాలడం, చర్మ సమస్యలు వస్తాయి. దీంతో పాటు కొన్నిసార్లు మన ముఖం కూడా మన బాడీలో తగినంతగా విటమిన్ డి లేదని చెబుతోంది. కొన్ని లక్షణాలను సూచిస్తుందని చెబుతున్నారు డాక్టర్ అంకుర్ సరిన్. దీని గురించి ఇన్స్టాగ్రామ్లో ఓ వీడియోని షేర్ చేశారు.
విటమిన్ డి తగ్గితే చర్మంపై కనిపించే లక్షణాలు
తగినంత విటమిన్ డి లేకపోతే ముఖంపై సడెన్గా ఎక్కువగా మొటిమలు వస్తాయి.
స్కిన్ డ్రై అండ్ నిర్జీవంగా కనిపిస్తుంది.
కొంతమందికి ఎర్రగా మారి దురదగా ప్యాచెస్ కనిపిస్తాయి.
జుట్టు, గోళ్ళపై కూడా లక్షణాలు
డాక్టర్ చెప్పేదాని ప్రకారం కేవలం చర్మంపై మాత్రమే కాదు. జుట్టు, గోళ్ళపై కూడా విటమిన్ డి లోపం తాలుకూ లక్షణాలు స్పష్టంగా కనిపిస్తాయి. అందులో
విటమిన్ డి లోపం ఉంటే చర్మం పేలవంగా మారుతుందిజుట్టు సరిగ్గా పెరగదు. జుట్టు విపరీతంగా రాలుతుందిగోళ్లు కూడా బలహీనంగా ఉంటాయి. గోళ్లు పల్చగా మారి మధ్యలోనే రాలిపోవడం, విరిగిపోవడం, పగిలినట్లుగా ఉంటాయి.
డాక్టర్ ప్రకారం
విటమిన్ డి మన బాడీలో కెరాటిన్ ప్రోటీన్ ఏర్పడి, చర్మాన్ని బాగుచేసేలా చేస్తుంది. దీని లోపం వల్లే చర్మ సమస్యలు వస్తాయి. జుట్టు కూడా బలహీనంగా మారుతుంది. గోళ్లు ఈజీగా విరిగిపోతాయి. బాడీలో సరిపడా విటమిన్ డి లేకపోవడం ఆరోగ్యానికే కాదు. అందం సమస్యలకి కూడా కారణమవుతుంది.
విటమిన్ డి లోపం లక్షణాలు
విటమిన్ డి లోపానికి కారణాలు
ఎండలో ఉండకపోవడం : సూర్యరశ్మిలో చర్మం విటమిన్ డి ఉత్పత్తి చేస్తుంది.
విటమిన్ డి ఫుడ్స్ తీసుకోకపోవడం : సరిపడా విటమిన్ డి ఫుడ్స్ తీసుకోకపోవడం వల్ల సమస్య వస్తుంది. కొన్ని ఆరోగ్య సమస్యల కారణంగా విటమిన్ డి సరిగ్గా గ్రహించకపోవచ్చు. మెలనిన్ ఎక్కువగా ఉన్న ముదురు చర్మం ఉన్నవారు సూర్యరశ్మి నుండి విటమిన్ డిని తక్కువగా ఉత్పత్తి చేస్తారు. కొన్ని మందుల కారణంగా కూడా విటమిన్ డి లోపం ఏర్పడుతుంది.
సమస్య తగ్గేందుకు
ఇప్పుడు చెప్పిన లక్షణాలన్నీ కనిపిస్తే విటమిన్ డి తగ్గిందేమో చెక్ చేసుకోండి. సమస్యని నేచురల్గానే తగ్గించుకునేందుకు.
రోజూ ఉదయాన్నే ఎండలో 10 నుంచి 20 నిమిషాల పాటు ఉండండి.
చేపలు, గుడ్డు పచ్చసొన, పుట్టగొడుగుల వంటి ఫుడ్స్ తినండి. వీటిలో పుష్కలంగా విటమిన్ డి ఉంటుంది.
ఇవన్నీ ఫాలో అవుతూనే
డాక్టర్ని సలహా తీసుకోవడం మంచిది.
|
|