ఏం తిన్నా కూడా డయాబెటిస్ తగ్గట్లేదని బెంగగా ఉందా

మూత్రవిసర్జన ఎక్కువగా ఉన్నా, పదే పదే దాహం వేసినా, తిన్నా కూడా ఆకలిగా అనిపించినా, చూపు ముందులా లేకుండా తగ్గినా, ఊరికూరికే అలసిపోయినా, చర్మ సమస్యలు, గాయాలు ఎక్కువగా ఉన్నా కూడా షుగర్ వచ్చిందనే ముందుగా డౌట్ వస్తుంది. నిజంగానే ఈ లక్షణాలన్నీ ఉంటే ముందుగానే అలర్ట్ అవ్వాలి. వీలైనంత త్వరగా డాక్టర్‌ని కలిసి చెక్ చేసుకోవాలి. లేదంటే ఇది ప్రాణాలకే ప్రమాదంగా మారుతుంది. షుగర్‌ అంటే ఒక్క రకంగానే ఉండదు చాలా రకాలు ఉంటాయి. ఇవన్నీ కూడా త్వరత్వరగా లక్షణాలని డెవలప్ చేస్తాయి. మీకు ఏవైనా లక్సణాలు కనిపిచగానే త్వరగా అలర్ట్ అవ్వాలి. షుగర్ వచ్చిందని నిర్ధారణ అవ్వగానే ముందుగా కంగారు పడకుండా సరైన డైట్ మెంటెయిన్ చేయాలి. సమస్య రాగానే చాలా మంది భయం ఫుడ్ కంట్రోల్ చేయాలని, కానీ, దానికంటే ముందుగా సరైన ఫుడ్స్ తీసుకోవడం చాలా ముఖ్యం. ఆ ఫుడ్స్ కారణంగానే చాలా వరకూ డయాబెటిస్‌ని కంట్రోల్ చేయొచ్చు.

ఓట్స్, బ్రౌన్ రైస్ 

రెండింటిలోనూ ఎక్కువగా ఫైబర్ ఉంటుంది. దీని వల్ల తినగానే షుగర్ మెల్లిగా విడుదలవుతుంది. ఈ కారణంగా త్వరగా బ్లడ్ షుగర్ లెవల్స్ పెరగవు. బ్రౌన్‌రైస్‌లో పోషకాలు ఎక్కువగా ఉంటాయి. దీంతో పాటు ఫైబర్, విటమిన్స్, మినరల్స్ కూడా చాలా ఉంటాయి. ఇందులోని మెగ్నీషియం, ఫైబర్ కంటెంట్ బ్లడ్ షుగర్‌ని తగ్గిస్తుంది. దీంతో టైప్ 2 డయాబెటిస్ వచ్చే రిస్క్ తగ్గుతుంది. మీరు రెగ్యులర్‌గా తినే వైట్ రైస్ బదులు బ్రౌన్‌రైస్ తింటే టైప్ 2 డయాబెటిస్ రిస్క్ తగ్గుతుంది. ఓట్స్ కూడా మరో మంచి ఫుడ్. ఇందులో ఫైబర్ ఎక్కువగా ఉంటుంది. బరువు తగ్గాలనుకునేవారు ఉదయాన్నే బ్రేక్‌ఫాస్ట్‌‌లా తీసుకుంటారు. ఇందులో లో గ్లైసెమిక్ ఇండెక్స్ ఉంటుంది. దీని వల్ల బ్లడ్ షుగర్ లెవల్స్ సరిగ్గా ఉంటాయి.

పాలకూర, బ్రకోలీ, కాకరకాయ

ఇవి వెజ్ ప్రియులకి మంచి ఫుడ్ అనే చెప్పొచ్చు. పాలకూర, బ్రకోలీ, కాకరకాయలోని గుణాలు షుగర్‌ని నేచురల్‌గానే కంట్రోల్ చేస్తాయి. పాలకూర అన్ స్టార్చీ, లో కార్బ్ వెజిటేబుల్. దీనిని తీసుకోవడం వల్ల బ్లడ్ షుగర్ లెవల్స్ తగ్గుతాయి. దీనికి కారణం ఇందులోని ఫైబర్. ఇక బ్రకోలీలో కూడా లో గ్లైసెమిక్ ఇండెక్స్ ఉంటుంది. ఇందులోని సల్ఫోరాఫేన్, క్రోమియంలు బ్లడ్ షుగర్ లెవల్స్‌ని తగ్గిస్తాయి. కాకరలోని పాలీపెప్టెడ్ గుణాలు బ్లడ్ గ్లూకోజ్‌ని తగ్గిస్తుంది. అదే విధంగా, కాకరని నేరుగుతా తీసుకోలేని వారు డాక్టర్ సలహాతో మెడిసిన్ రూపంలో తీసుకోవచ్చు.

శనగలు, మినుములు, ఉలవలు, రాజ్మా, సోయా బీన్స్

ఇవి చక్కని ధాన్యాలని చెప్పొచ్చు. ఈ ఫుడ్స్ తింటే మెల్లిగా జీర్ణమై షుగర్‌ని నెమ్మదిగా విడుదల చేస్తాయి. శనగలు ముక్యంగా నల్ల శనగల్లో ఎక్కువగా ఫైబర్ ఉంటుంది. దీనిని తీసుకోవడం వల్ల జీర్ణమవ్వడానికి చాలా టైమ్ పడుతుంది. దీంతో షుగర్ లెవల్స్ త్వరగా పెరగవు. దీంతో పాటు మినుములు, ఉలవలు, రాజ్మా, సోయా బీన్స్ వంటివన్నీ కూడా ఫైబర్‌తో పాటు ఇతర గుణాలని కలిగి ఉంది. వీటిని మనం స్నాక్స్‌లా అయినా, కూరగా అయినా ఏ రకంలో అయినా డైట్‌లో యాడ్ చేసుకుంటే డయాబెటిస్ కంట్రోల్ అవుతుంది.

నట్స్, బెర్రీస్

హెల్దీ స్నాక్స్ అని పిలిచే బాదం, వాల్‌నట్స్‌ని తీసుకుంటే డయాబెటిస్ తగ్గుతుంది. వీటిని రెగ్యులర్‌గా మనం హెల్దీ స్నాక్స్‌గా తీసుకోవచ్చు. అయితే, వాల్‌నట్స్, బాదంని ఒకే టైమ్‌లో కాకుండా వాటి పనితీరు మెరుగ్గా ఉండేందుకు సరైన టైమ్‌లో తీసుకోవాలి. ఇక స్ట్రాబెర్రీ, బ్లూబెర్రీస్, క్రాన్ బెర్రీస్‌లో ఎక్కువగా యాంటీ ఆక్సిడెంట్స్ ఉంటాయి. వీటిని తినడం వల్ల ప్యాంక్రియాస్ హెల్దీగా మారుతుంది. ప్యాంక్రియాస్ పనితీరు మెరుగ్గా ఉంటుంది. ప్యాంక్రియాస్ పనితీరు మెరుగ్గా ఉంటే షుగర్ చాలా వరకూ తగ్గుతుంది.

అవిసెలు, చియా గింజలు

అవిసెలు, చియా గింజలు కూడా రక్తంలో షుగర్ లెవల్స్‌ని తగ్గిస్తాయి. అవిసెలు, చియాసీడ్స్‌ ఈ మధ్యకాలంలో వీటిలోని గుణాల కారణంగా వీటిని ఉదయం బ్రేక్‌ఫాస్ట్, చియా పుడ్డింగ్‌లా చేసుకుని తింటారు. అవిసెల్లోని లో గ్లైసెమిక్ ఇండెక్స్, హై ఫైబర్, ఒమేగా 3 ఫ్యాటీ యాసిడ్స్ కారణంగా త్వరగా షుగర్ కంట్రోల్ అవుతుంది. చియా సీడ్స్‌లో కూడా ఫైబర్‌తో పాటు ఒమేగా 3 ఫ్యాటీ యాసిడ్స్, యాంటీ ఆక్సిడెంట్స్, ప్రోటీన్‌లు ఎక్కువగా ఉంటాయి. ఇవన్నీ కూడా ఇన్‌ఫ్లమేషన్‌ని తగ్గించి బరువు తగ్గేలా చేస్తాయి.

చేపలు

నాన్‌వెజిటేరియన్స్‌లో బెస్ట్ ఫుడ్‌లో చేపలు ముందుంటాయి. చేపల్లోని ఒమేగా 3 ఫ్యాటీ యాసిడ్స్ డయాబెటిస్‌ని తగ్గిస్తాయి. అయితో ముఖ్యంగా సాల్మన్, మాకెరెల్, సార్డినెస్ అనే అనే చేపల్లో ఎక్కువగా ఒమేగా 3 ఫ్యాటీ యాసిడ్ ఉంటుంది. ఇది గుండె ఆరోగ్యాన్ని మెరుగ్గా చేయడమే కాకుండా ఇన్‌ఫ్లమేషన్‌ని తగ్గిస్తుంది.