విద్యార్థిని పై హింసాత్మక ప్రవర్తనపై పవన్ కళ్యాణ్ తీవ్ర ఆవేదన!
Andhra Pradesh Telugu | Suryaa Desk | Published : Wed, Sep 17, 2025, 10:17 PM
చిత్తూరు జిల్లా పుంగనూరులోని భాష్యం స్కూల్లో ఆరో తరగతి చదువుతున్న సాత్విక నాగశ్రీపై ఉపాధ్యాయుడు కొట్టడంతో ఆమె పుర్రె ఎముక చిట్లిపోయింది. ఈ ఘటనను తెలుసుకున్న ఉప ముఖ్యమంత్రి పవన్ కళ్యాణ్ తీవ్రంగా విచారించారు.పుర్రె ఎముక చిట్లిన కారణంగా సాత్వికకు తీవ్రమైన సమస్యలు ఎదురయ్యాయని తెలిసి, ఉప ముఖ్యమంత్రి ఈ విషయాన్ని దృష్టిలోకి తీసుకున్నారు. ఘటన వివరాలు తెలుసుకోవాలని తన కార్యాలయ సిబ్బందికి ఆదేశించారు. స్కూల్లో ఆమె అల్లరి చేస్తుందనే కారణంతో ఉపాధ్యాయుడు స్కూల్ బ్యాగ్తో తలపై కొట్టినట్లు తెలుస్తోంది. ప్రస్తుతం ఆ బాలికను కుటుంబ సభ్యులు బెంగళూరులో వైద్య పరీక్షలు చేయించించి ఇంటికి తీసుకువచ్చినట్లు అధికారులు తెలిపారు. వైద్యులు ఆరు నెలల పాటు సాత్విక ఆరోగ్య పరిస్థితిని పర్యవేక్షించాలని సూచించినట్లు కుటుంబ సభ్యులు వెల్లడించారు.ఈ సంఘటన చాలా బాధాకరమైనదిగా ఉప ముఖ్యమంత్రి పవన్ కళ్యాణ్ తెలిపారు. పాఠశాలల్లో విద్యార్థులను పాతకాలపు విధానంలో దండించే పద్దతిని విద్యావేత్తలు, మానసిక శాస్త్రవేత్తలు మన్నించరాదు అని ఆయన అభిప్రాయపడ్డారు. స్కూల్లోనైనా, ఇంట్లోనైనా అల్లరి జరిగితే దాన్ని సరిచేయడంలో ఉపాధ్యాయులు, తల్లితండ్రులు పిల్లల మానసిక స్థితిని బాగా అర్థం చేసుకోవాలి అని పేర్కొన్నారు.
|
|