ఉపవాసం ఉంటూ టీ, కాఫీలు ఎక్కువగా తాగితే ప్రాబ్లమ్స్ తప్పవ్

వారంలో ఒక్కసారి ఉపవాసం ఉండడం, లేదా పండుగల టైమ్‌లో ఉపవాసం ఉండడం కొంతమందికి అలవాటే. అలాంటి టైమ్‌లో కొంతమంది ఏదైనా టిఫిన్ లాంటివి తీసుకుని ఒక్కపూట భోజనం చేస్తే మరికొంతమంది మాత్రం ఎలాంటి టిఫిన్స్ లేకుండా పండ్లు మాత్రమే తింటారు. అయితే, మధ్యమధ్యలో టీ, కాఫీలు మాత్రం చక్కగా తాగుతారు. దీని వల్ల అప్పటికప్పుడు ఎనర్జీగా ఫీల్ అవుతారు. అలా టీ, కాఫీలు తీసుకున్నప్పుడు బానే ఉంటుంది. కానీ, అది ఆరోగ్యానికి అంత మంచిది కాదని చెబుతున్నారు హెల్త్ ఎక్స్‌పర్ట్స్. టీ, కాఫీలని మనం షుగర్ వేస్తాం కాబట్టి తియ్యగా ఉండి ఇన్‌స్టంట్ ఎనర్జీగా అనిపించినప్పటికీ ఇందులో కెఫిన్ అనేక ప్రాబ్లమ్స్‌ని తీసుకొస్తుందని చెబుతున్నారు. టీ, కాఫీలను ఉపవాస సమయంలో తాగితే ఎలాంటి సమస్యలు వస్తాయో తెలుసుకోండి.

ఖాళీ కడుపుతో

సాధారణంగా ఉదయం లేవగానే టీ, కాఫీలు తాగే అలవాటు చాలా మందికి ఉంటుంది. అలానే తాగడం అస్సలు మంచిది కాదు. దీని వల్ల పొట్టలో యాసిడ్ లెవల్స్ పెరిగి కడుపు ఉబ్బరం, మంట, గ్యాస్ వంటి సమస్యలొస్తాయి. ఇక ఉపవాసంలో తాగితే మరిన్నీ సమస్యలు పెరుగుతాయి. కాబట్టి, దీనిని అవాయిడ్ చేయడం మంచిది.

ఎనర్జీగా ఉందని 

సాధారణంగా టీ, కాఫీలు తాగినప్పుడు బ్రెయిన్ కాస్తా యాక్టివ్‌గా ఉన్నట్లు అనిపిస్తుంది. కానీ, ఉపవాసంలో టైమ్‌లో కడుపులో ఏమి ఉండవు. దీంతో మనం కెఫీన్ తీసుకున్నప్పుడు అది కడుపులో శోషించుకునేందుకు ఏమి ఉండవు. దీంతో కొద్దిసేపటికే నీరసంగా అయిపోతుంది. భయం భయం, ఆందోళనగా ఉంటుంది. కాబట్టి, తాగకపోవడమే మంచిది.

డీహైడ్రేషన్

టీ, కాఫీల్లోని కెఫిన్ డీహైడ్రేషన్‌కి కారణమవుతుంది. దీని వల్ల ఒంట్లోని హైడ్రేషన్ తగ్గుతుంది. దీంతో ఇంకా నీరసంగా మారతారు. కాబట్టి, టీ, కాఫీలకి దూరంగా ఉండడం మంచిది. టీ, కాఫీల బదులు వేడి నీరు కొబ్బరి నీరు, లిక్విడ్స్ వంటివి తీసుకోండి.

హెర్బల్ టీలు

హెర్బల్ టీలు తాగడం కూడా మంచిదే. అందులో లెమన్ టీ, డాండలీన్, చామంతి టీ వంటివి టీలను తీసుకోండి. దీని వల్ల కాస్తా యాక్టివ్‌గా మారతారు. అయితే, అదే టైమ్‌లో పండ్లని తీసుకోండి. అంతేకానీ, పండ్లతో చేసిన జ్యూస్‌లని తాగొద్దు. దీనికి కారణం ఇందులో ఫైర్ ఉండదు. పైగా షుగర్ లెవల్స్ ఎక్కువగా ఉంటాయి. కాబట్టి, నేరుగా పండు తినండి. దీంతో ఫైబర్ ఉంటుంది. కడుపు నిండుగా ఉంటుంది.

కెఫైన్‌తో వచ్చే సమస్యలు

కెఫిన్ కారణంగా నిద్ర సమస్యలు వస్తాయి.

యాంగ్జైటీ, డిప్రెషన్ పెరుగుతాయి.

జీర్ణ సమస్యలు, అసిడిటీ వంటివి పెరుగుతాయి.

ఇక షుగర్ డ్రింక్స్ కారణంగా బ్లడ్ గ్లూకోజ్ లెవల్స్ పెరగడమే కాకుండా వెయిట్ గెయిన్ అవుతారు. చాలా మంది బరువు తగ్గడానికి ఫాస్టింగ్ చేస్తుంటారు. టీ, కాఫీలను మాత్రం మరవరు. అయినప్పటికీ బరువు తగ్గకపోవడానికి కారణం అందులోని పంచదారే.