ఎంఎస్ఎంఈ పార్కును ప్రారంభించిన చంద్రబాబు
Andhra Pradesh Telugu | Suryaa Desk | Published : Tue, Nov 11, 2025, 03:43 PM
ఏపీలో పారిశ్రామిక ప్రగతికి ఊతమిస్తూ సీఎం చంద్రబాబు భారీ కార్యక్రమానికి శ్రీకారం చుట్టారు. ప్రకాశం జిల్లా కనిగిరిలోని పెదఈర్లపాడులో ఏర్పాటు చేసిన ఎంఎస్ఎంఈ పార్కును ఆయన ప్రారంభించారు. ఈ సందర్భంగా అయన మాట్లాడుతూ... గత పాలకుల హయాంలో రాష్ట్రంలో పరిశ్రమలు మూతపడ్డాయని, పారిశ్రామికవేత్తలు భయపడి పారిపోయారని చంద్రబాబు విమర్శించారు. "17 నెలల క్రితం సమస్యల సుడిగుండంలో ఉన్న రాష్ట్రంలో పాలన చేపట్టాం. ఏపీ బ్రాండ్ను పునరుద్ధరిస్తామని చెప్పాం. ఇప్పుడు రాష్ట్రంలో పెట్టుబడుల పండుగ నడుస్తోంది. యువతకు ఉద్యోగాలు ఇవ్వడమే కాదు, వారిని పారిశ్రామికవేత్తలుగా తీర్చిదిద్దుతామని చెప్పిన హామీని నిలబెట్టుకుంటున్నాం" అని ఆయన పేర్కొన్నారు. రాష్ట్రవ్యాప్తంగా మంత్రులు, ప్రజాప్రతినిధుల భాగస్వామ్యంతో మొత్తం 87 ప్రదేశాల్లో ఈ ప్రారంభోత్సవాలు, శంకుస్థాపన కార్యక్రమాలు జరిగాయని తెలిపారు.
|
|