ట్రెండింగ్
అమెరికాలో ఫెడరల్ ఏజెన్సీలకి ఊరట
international | Suryaa Desk | Published : Tue, Nov 11, 2025, 03:49 PM
అమెరికాలో 41 రోజులుగా కొనసాగుతున్న సుదీర్ఘ ప్రభుత్వ షట్డౌన్కు తెరపడనుంది. దేశవ్యాప్తంగా లక్షలాది మంది జీవితాలను, ఫెడరల్ ఏజెన్సీల కార్యకలాపాలను స్తంభింపజేసిన షట్డౌన్ను ముగించేందుకు ఉద్దేశించిన కీలక నిధుల బిల్లును యూఎస్ సెనేట్ ఆమోదించింది. ఈ బిల్లు ఇప్పుడు ప్రతినిధుల సభ (హౌస్ ఆఫ్ రిప్రజెంటేటివ్స్) ఆమోదం కోసం వెళ్లనుంది. అక్కడ కూడా ఆమోదం పొందిన తర్వాత అధ్యక్షుడు డొనాల్డ్ ట్రంప్ సంతకంతో ఇది చట్టంగా మారుతుంది.ఈ చట్టం ద్వారా 2026 జనవరి వరకు ప్రభుత్వానికి అవసరమైన నిధులు అందుబాటులోకి వస్తాయి. దీంతో పాటు అనేక కీలక ఏజెన్సీలకు పూర్తిస్థాయి వార్షిక బడ్జెట్లు కూడా కేటాయించడం జరుగుతుంది. షట్డౌన్ కారణంగా తాత్కాలికంగా విధులకు దూరమైన వేలాది మంది ఫెడరల్ ఉద్యోగులు తిరిగి విధుల్లో చేరడంతో పాటు వారికి రావలసిన జీతభత్యాలు కూడా అందనున్నాయి.
|
|