రోజూ లిప్స్టిక్ వేసుకుంటున్నారా, కాన్సర్ వంటి సమస్యలొచ్చే అవకాశం
Life style | Suryaa Desk | Published : Sun, Nov 16, 2025, 11:30 PM
రోజూ లిప్స్టిక్ వేసుకోవడం చాలా కామన్ అయిపోయింది. బయటికెళ్లినప్పుడు డ్రెస్కి తగినట్లుగా మ్యాచింగ్లా వేసుకోవడం, ఇందులోనూ న్యూడ్, గ్లాసీ, షిమ్మర్ అంటూ రకరకాలుగా లిప్స్టిక్స్ వేసుకుని తమ పెదవులని చూసి మురిసిపోతుంటారు ఆడవారు. ఎక్కువగా లాంగ్ లాస్టింగ్ ఉండే వాటిని సెలక్ట్ చేసుకుంటారు. ఇవి అందాన్ని పెంచుతాయనడంలో ఎలాంటి సందేహం లేదు. కానీ, అదే విధంగా రోజూ వేసుకుంటే మాత్రం ఆరోగ్యాన్ని పాడు చేస్తాయంటున్నారు ఎక్స్పర్ట్స్. వీటి వల్ల కొన్ని రకాల సమస్యలొస్తాయని చెబుతున్నారు. ఆ ప్రాబ్లమ్స్ ఏంటో తెలుసుకోండి.
లిప్స్టిక్లో హానికరమైన పదార్థాలు
సాధారణంగా లిప్స్టిక్లో క్రోమియం, లెడ్, అల్యూమినీయం, కాడ్మియం వంటి కెమికల్స్ పుష్కలంగా ఉన్నాయి. వీటిని ఎక్కువగా వాడడం వల్ల సమస్యలు వస్తాయని, 24 గంటల్లో రెండు కంటే ఎక్కువసార్లు అప్లై చేసేవారికి అబ్డామినల్ ట్యూమర్స్ వచ్చే సమస్య ఉందని తెలుస్తోంది. అంతేకాకుండా లిప్స్టిక్లో థాలెట్స్ ఎండోక్రైన్కి మంచిదికాదు. ఇందులోని సీసమ్ దీర్ఘకాలిక ఆరోగ్య సమస్యలకి కారణమవుతాయి. పాలిథిలిన్ గ్లైకాల్ష్ క్రీమ్ బేస్డ్ ప్రోడక్ట్స్ కూడా మీ నాడీ వ్యవస్థకి మంచిది కాదు. పారాబెన్లు సాధారణంగా లిప్స్టిక్లో ఉంటాయి. ఇవి చర్మంలోకి చొచ్చుకుపోయి డిప్రెషన్, విరోచనాల వంటి సైడ్ఎఫెక్ట్స్కి కారణమవుతాయి.
లిప్స్టిక్ కొనే ముందు
చాలా మంది లిప్స్టిక్ కొనే ముందు కలర్ ఏంటి, ఎన్ని గంటలు ఉంటుందనేదే ఎక్కువగా చూస్తారు. కానీ, అలా కాకుండా అసలు అందులో ఎలాంటి కెమికల్స్ ఉన్నాయి. అవి మీ బాడీలోకి వెళ్తాయా అనేది తెలుసుకోవడం చాలా ముఖ్యం. ఎప్పటికప్పుడు వీటిని చెక్ చేసి తీసుకోవడం మంచిది.
ఎండోక్రైన్ వ్యవస్థలో మార్పులు
లిప్స్టిక్లో పెట్రో కెమికల్స్ ఉంటాయి. ఇవి ఎండోక్రైన్ వ్యవస్థలో పెద్ద మార్పులకి కారణమవుతాయి. అలానే జరిగితే మీ బాడీలో కాగ్నెటివ్, పునరుత్పత్తి స్యామర్థాల్లో అనేక సమస్యలొస్తాయి. కాబట్టి, జాగ్రత్తగా ఉండడం చాలా ముఖ్యం.
క్యాన్సర్స్
లిప్స్టిక్లో వాడే చాలా రకాల పదార్థాలు క్యాన్సర్ కారక స్వభావాన్ని కలిగి ఉంటాయి. కాబట్టి, లిప్స్టిక్ వాడడం వల్ల క్యాన్సర్ వచ్చే అవకాశం ఉండొచ్చు. వాస్తవానికి, లిప్స్టిక్లను స్టోర్ చేయడానికి వాడే కెమికల్స్ దగ్గు, కంటి చిరాకు, గురక, ఇతర అలర్జీలకి కారణమవుతాయి. కొన్ని సందర్భాల్లో క్యాన్సర్స్ని కూడా తీసుకొస్తాయి.
స్కిన్ అలర్జీ
పెదాలపై సడెన్గా దద్దుర్లు, దురద కనిపిస్తే లిప్స్టిక్ కారణమై ఉండొచ్చు. ఎందుకంటే లిప్స్టిక్లో ప్రిజర్వేషన్ కోసం బిస్మత్ ఆక్సిక్లోరైడ్ అనే కెమికల్ కలుస్తుంది. ఈ పదార్థం క్యాన్సర్ కారకం. వీటితో పాటు పెదాలు డ్రైగా మారడం, నల్లగా మారడం ఇలాంటి సమస్యలున్నా జాగ్రత్తపడడం చాలా ముఖ్యం.
రెనాల్ ఫెయిల్యూర్
కొన్నిసార్లు లిప్స్టిక్ని రెగ్యులర్గా వాడడం వల్ల కిడ్నీలు కూడా ఫెయిల్ అయ్యే అవకాశం ఉంది. దీనికి కారణం, ఇందులోని కాడ్మియం. ఈ కెమికల్ కారణంగా కడుపులో కణితులు కూడా పెరుగుతాయి. కాబట్టి, ఇన్ని సమస్యలకి కారణమయ్యే లిప్స్టిక్ని వాడే ముందు అందులో ఏ కెమికల్స్ ఉన్నాయి. అవి మనకి ఏ సమస్యలు తీసుకొస్తాయి. కెమికల్స్ లేని ప్రోడక్ట్స్ ఏవో తెలుసుకుని మరీ వాడడం మంచిది.
|
|