గవర్నర్ కు నారా లోకేష్ లేఖ
Andhra Pradesh Telugu | Suryaa Desk | Published : Mon, Apr 26, 2021, 05:49 PM
కరోనా డ్రైవ్, సంబంధిత వార్తలు రాష్ట్రంలో పది, ఇంటర్ పరీక్షలు రద్దుకు జోక్యం చేసుకోవాలని గవర్నర్ కి మాజీ మంత్రి, ఎమ్మెల్సీ నారా లోకేష్ లేఖ రాశారు. ఈ విషయాన్ని నారా లోకేష్ తన ట్విట్టర్ ఖాతా ద్వారా ప్రకటించారు. ప్రభుత్వం నిర్వహించే ఇంటర్, పదో తరగతి పరీక్షలకు 16.3లక్షల మంది హాజరు కావాల్సి ఉంటుంది. కరోనా రెండో దశ తీవ్రతలో పరీక్షల నిర్వహణ విద్యార్థులకు ప్రాణసంకటంగా మారుతుంది. దేశంలోని దాదాపు 20రాష్ట్రాలు, 10, 12వ తరగతి విద్యార్థులకు పరీక్షలు వాయిదా వేయటం లేదా రద్దు చేశాయి. ఇందుకు విరుద్ధంగా ఏపీలో పరీక్షలు నిర్వహించాలనుకోవటం కరోనా వైరస్ ను మరింత వ్యాప్తి చేయటమే. లక్షలాది మందికి సురక్షితమైన వాతావరణం కల్పించటం అసాధ్యం. ఏ ఒక్క విద్యార్థి కరోనా బారిన పడి చనిపోయినా అది క్షమించరాని నేరమే అవుతుంది. మీకున్న విశేష అధికారాలతో పరీక్షల నిర్వహణపై జోక్యం చేసుకోవాలని గవర్నర్ ని కోరినట్లు నారా లోకేష్ పోస్ట్ చేశారు.
|
|