కాఫీ కప్పులో విషం పోసుకుని..సెల్ఫీ దిగి
Andhra Pradesh Telugu | Suryaa Desk | Published : Thu, Aug 31, 2017, 06:22 PM
కాఫీ కప్లో విషం పోసుకుని తాగి చనిపోయేముందు సెల్ఫీ తీసుకున్నారు ఇద్దరు యువతులు. బుధవారం మధ్యప్రదేశ్లోని ఇండోర్లో చోటుచేసుకున్న ఈ ఘటన సంచలంగా మారింది.
వివరాల్లోకెళితే.. ఇండోర్లోని గురునగర్ ప్రాంతానికి చెందిన రచన, తన్వి అనే ఇద్దరు యువతులు స్థానిక కాల్సెంటర్లో పనిచేస్తున్నారు. రచనకి వివాహమై ఓ కుమారుడు కూడా ఉన్నాడు. ఆమె భర్తను వదిలేసి తన్వితో ఓ రూమ్లో అద్దెకు ఉంటోంది.
తనకు భర్త అంటే ఇష్టంలేదని, తాను చనిపోయాక కుమారుడిని తన తల్లిదండ్రులే చూసుకోవాలని లేఖలో పేర్కొంది. తన్వి మాత్రం తనకు జీవితంపై విరక్తి కలగడంతో చనిపోతున్నానని లేఖ రాసింది. అలా ఇద్దరూ లేఖలు రాసి విషం తాగి ఆత్మహత్య చేసుకున్నారు.
చనిపోయే ముందు విషం ఉన్న కప్పులతో సెల్ఫీ దిగడం గమనార్హం. గురువారం ఉదయం ఇంటి యజమాని గదిలోకి వెళ్లిచూడగా ఇద్దరూ నేలపై నిర్జీవంగా పడి ఉండడం గమనించి వెంటనే పోలీసులకు సమాచారం అందించాడు. ఈ మేరకు పోలీసులు మృతదేహాలను పోస్ట్మార్టం నిమిత్తం తరలించి కేసు దర్యాప్తు చేపడుతున్నారు.
|
|