బాధిత యువతులకు బాసటగా నిలుస్తోన్న మాధవీ గణపతి
Andhra Pradesh Telugu | Suryaa Desk | Published : Tue, Dec 14, 2021, 03:35 PM
సమాజంలో సేవ చేయాలనే గుణం ఉంటే చాలు అవకాశాలు అనేకం ఉన్నాయని నిరూపిస్తున్నారు మాధవీ గణపతి. విజయవాడ వాసవ్య మహిళా మండలిలో చేరిన మాధవీ గణపతి విశాఖలో ఆ సంస్థ తరఫున కార్యక్రమాలు నిర్వహించే స్థాయికి ఎదిగింది. ఎంబీఏతోపాటు కార్మికచట్టాలు, కౌన్సెలింగ్, మానసిక ఆరోగ్యం తదితర అంశాల్లో కోర్సులు చేసిన ఆమె.. ఉద్యోగం కంటే సమాజానికి ఉపయోగపడే పని చేయాలనుకుని.. కౌన్సెలర్గా మారింది. పిల్లలకు జీవన నైపుణ్యాలు, వ్యక్తిత్వ వికాసం, నైతిక విలువలపై అవగాహన కల్పిస్తూ చేయూతనిస్తోంది. అయా కార్యక్రమాల ద్వారా అమ్మాయిల్లో అవగాహన చైత్యనం కలిగిస్తూ వారి బాధల్లో అండగా నిలుస్తోంది. మహిళలపై వేధింపులు, అఘాయిత్యాలను చూశాక వీటిపై దృష్టిసారించిన ఆమె.. అలాంటి పరిస్థితి ఎదురైనప్పుడు ఎలా ఎదుర్కోవాలన్న అంశాలపై ఇంటర్, డిగ్రీ యువతులకు శిక్షణ ఇస్తున్నారు. గతేడాది నుంచి దిశా మహిళా పోలిస్స్టేషన్లో స్వచ్ఛందంగా కౌన్సెలింగ్ సేవలందిస్తూ ఎందరికో ఆప్తురాలిగా మారిపోయారు మాధవీ గణపతి.
|
|