ఐపీఎల్ 2022: నేడు గుజరాత్, హైదరాబాద్ మధ్య పోరు.. గెలుపెవరిది..?
sports | Suryaa Desk | Published : Wed, Apr 27, 2022, 12:42 PM
ఐపీఎల్‌లో నేడు సన్ రైజర్స్ హైదరాబాద్, గుజరాత్ టైటాన్స్ జట్ల మధ్య ఆసక్తికర పోరు సాగనుంది. ఇది ఐపీఎల్-2022 సీజన్‌లో 40వ మ్యాచ్. బుధవారం రాత్రి ఇరు జట్ల మధ్య 7.30 గంటలకు ముంబైలోని వాంఖడే స్టేడియంలో మ్యాచ్ జరగనుంది. ఇరు జట్లు ప్రస్తుత సీజన్‌లో చక్కటి ప్రదర్శన కనబరుస్తున్నాయి.
తొలి రెండు మ్యాచ్‌లలో ఓడి హైదరాబాద్ జట్టు అభిమానులను నిరాశ పర్చింది. అయితే ఆ తర్వాత వరుసగా ఐదు మ్యాచ్‌లలో తిరుగులేని విజయాలు సాధించింది. పాయింట్ల పట్టికలో మూడవ స్థానానికి ప్రస్తుతం చేరుకుంది. మరోవైపు గుజరాత్ జట్టు కూడా అజేయమైన ప్రదర్శన కనబరుస్తోంది.
ఇప్పటి ఆడిన ఏడు మ్యాచ్‌లలో కేవలం ఒక్క దాంట్లోనే ఓడింది. మిగిలిన ఆరు మ్యాచ్‌‌లలోనూ అద్భుత విజయాలను సొంతం చేసుకుంది. పాయింట్ల పట్టికలో ప్రస్తుతం గుజరాత్ జట్టు 2వ స్థానంలో ఉంది. ఈ నేపథ్యంలో పటిష్టమైన ఇరు జట్ల మధ్య నేడు జరిగే పోరు క్రికెట్ ప్రేక్షకులకు వీనుల విందు అందించనుంది.
|
|