ట్రెండింగ్
జేసీబీ టైరు పేలి ఇద్దరు మృతి
national | Suryaa Desk | Published : Thu, May 05, 2022, 03:44 PM
జేసీబీ టైరు పేలి ఇద్దరు మృతి చెందిన ఘటన ఛత్తీస్ గఢ్ లోని రాయ్ పూర్ జిల్లాలో చోటు చేసుకుంది. రాయ్ పూర్ లోని సిల్తారా ఇండస్ట్రియల్ ఏరియాలో ఓ వర్క్ షాప్ లో టైరుకు గాలి పడుతున్న సమయంలో ఈ ప్రమాదం జరిగింది. ఒక వ్యక్తి టైరుపై కూర్చొని ఉన్నాడు. మరోవ్యక్తి టైరు వద్దకు వచ్చాడు.
టైరులో ప్రెజర్ ఎంతుందనే విషయాన్ని వారు చెక్ చేస్తున్నారు. ఈ సమయంలోనే టైరు ఒక్కసారిగా పేలిపోయింది. ఈ ఘటనలో ఇద్దరు వ్యక్తులు గాల్లోకి ఎగిరిపడ్డారు. ఈ దృశ్యాలు సీసీ కెమెరాల్లో రికార్డ్ అయ్యాయి. మృతులిద్దరిని మధ్యప్రదేశ్ కు చెందిన వారిగా గుర్తించారు. కేసు నమోదు చేసిన పోలీసులు దర్యాప్తు చేస్తున్నారు.
|
|