పెళ్లైన ప్రతి ఒక్కరికీ, పిల్లలు ఎప్పుడు అని అడుగుతుంటారు : సమంత
cinema | Suryaa Desk | Published : Mon, Sep 30, 2019, 11:50 AM
చిత్ర పరిశ్రమలో ఆడా మగా అనే తేడా తొలగిపోవాలంటోంది అందాల తార సమంత. ప్రతిభ ఒక్కటే ఎవరి ఉన్నతికైనా కొలమానం కావాలని అభిప్రాయపడుతోంది. సినిమాల నిర్మాణంలో అబ్బాయిల కంటే ఏమాత్రం తక్కువగా అమ్మాయిలు కష్టపడటం లేదంటోంది. ఒక్కోసారి తమ కష్టమే ఎక్కువని చెబుతోంది. ఇటీవల సమంత మాట్లాడుతూ..ఇక్కడ ప్రతిభ ఉంటేనే రాణిస్తాం. అంతే గానీ లింగ బేధాల వల్ల కాదు. ఒక అబ్బాయి కంటే నాయిక నేను ఎక్కువ కష్టపడుతుంటాను. ఈ మహిళా దర్శకురాలు, మహిళా చిత్రాలు అనే తేడా పోవాలి. నా గత చిత్రం ఓ బేబీకి దర్శకురాలితో కలిపి ఎడెనిమిది మంది మహిళలు పనిచేశారు. అమ్మాయిలైనా కష్టపడి పనిచేశారు. ఒక్క రోజు కూడా చిత్రీకరణ ఆలస్యం కాలేదు. అనుకున్న సమయానికి సినిమా విడుదల చేశాం. అని చెప్పింది. పెళ్లయ్యాక సాగుతున్న తన వ్యక్తిగత జీవితం గురించి మాట్లాడుతూ… పెళ్లైన ప్రతి ఒక్కరికీ, పిల్లలు ఎప్పుడు అని అడుగుతుంటారు. అందులో తప్పేం లేదు. నేనూ పెళ్లైన నా స్నేహితురాళ్లను శుభవార్త ఎప్పుడని అడుగుతుంటా. అయితే నాకు పిల్లలను ఎప్పుడు కనాలో నిర్ణయించుకునే స్వేచ్ఛ ఉంది. మా అమ్మకు, వాళ్ల అమ్మకు ఈ స్వేచ్ఛ ఉండేది కాదేమో. నేనే కాదు ఈతరం అమ్మాయిలు స్వేచ్ఛగా ఉంటూ తమ కలలను సాకారం చేసుకుంటున్నారు. అని చెప్పింది. ప్రస్తుతం శర్వానంద్తో కలిసి 96 సినిమా రీమేక్తో పాటు ఓ వెబ్ సిరీస్లో నటిస్తోంది సమంత.
|
|