బాలయ్య రిస్క్ చేశాడంటారా..?
cinema | Suryaa Desk | Published : Wed, Dec 11, 2019, 05:14 PM
పరుచూరి మురళి గుర్తున్నాడా... నీ స్నేహం లాంటి ఫ్లాప్ మూవీతో దర్శకుడిగా పరిచయమైన అతడు ఆ తర్వాత 'పెద్దబాబు', 'ఆంధ్రుడు' లాంటి రిజనల్బుల్ మూవీస్ అందించారు. తర్వాత ట్రాక్ తప్పాడు. మురళి ట్రాక్ రికార్డు పట్టించుకోకుండా బాలయ్య లాంటి హీరో పెద్ద ఛాన్స్ ఇస్తే ఉపయోగించుకోలేకపోయాడు. బాలయ్యతో ఏడేళ్ల కిందట ''అధినాయకుడు'' అనే సినిమా తీశాడు మురళి. ఆ సినిమా పెద్ద డిజాస్టర్ అయింది. అప్పటినుంచి మురళి అడ్రస్ లేడు. ఇంతకాలానికి మళ్లీ బాలయ్య సినిమాతోనే అతను రీఎంట్రీ ఇవ్వడం విశేషం. ఆ సినిమానే 'రూలర్'. అయితే ఈ చిత్రానికి దర్శకుడు కేఎస్ రవికుమార్ కదా.. మరి పరుచూరి మురళి రీ ఎంట్రీ ఇవ్వడమేంటి? అని సందేహం కలుగవచ్చు.
''రూలర్'' ప్రారంభోత్సవంలో ఆ తర్వాత షూటింగ్ స్పాట్లో పరుచూరి మురళి కనిపించడంతో ఈ సినిమాతో అతడికేం సంబంధం అని సందేహాలు కలిగాయి. అయితే 'రూలర్' ట్రైలర్తో అసలు విషయం వెల్లడైంది. ఈ చిత్రానికి కథ అందించడంతో పాటు మాటలు కూడా మురళి రాశాడు. ఇంతకు ముందు అతడు దర్శకత్వం వహించిన సినిమాలన్నీ ఓల్డ్ స్టైల్లోనే ఉంటాయి. ఇప్పుడు అతడు కథ అందించిన రూలర్ సినిమాకు ప్రొమోలు చూసినా అదే స్టైల్ కనిపిస్తోంది. తనకు అధినాయకుడు లాంటి డిజాస్టర్ ఇచ్చినా గత ఏడేళ్లలో ఒక్కంటంటే ఒక్క సినిమా కూడా తీయకపోయినా మురళీని నమ్మి తన సినిమాలో బాలయ్య అవకాశం ఇవ్వడం విశేషమే. మరి ఈ ఛాన్స్ను అతనెలా ఉపయోగించుకుంటాడో చూడాలి.
|
|