చరణ్ వేసిన ఆ కౌంటర్ వర్మ కేనా?
cinema | Suryaa Desk | Published : Fri, Jul 24, 2020, 04:11 PM
దర్శకుడు రామ్ గోపాల్ వర్మ పవన్ కళ్యాణ్ ఫ్యాన్స్ మధ్య వార్ కొనసాగుతూనే ఉంది. పవన్ విషయాల్లో వర్మ ఎప్పుడూ ఏదో ఒకటి కెలుకుతూ కాంట్రవర్సీ క్రియేట్ చేస్తుంటాడు. అందుకే పవన్ కళ్యాణ్ ఫ్యాన్స్ కు వర్మ అంటే మొదట్నుంచి వ్యతిరేకమే. రామ్ గోపాల్ వర్మ ఆఫీస్పై పవన్ కళ్యాణ్ ఫ్యాన్స్ కొంత మంది దాడి చేయడంతో ఇండస్ట్రీ వాతావరణం హీటెక్కింది. పవర్ స్టార్ ఫ్యాన్స్ వర్సెస్ ఆర్జీవీ ఎపిసోడ్స్ పరాకాష్టకు చేరుకున్న సంగతి తెలిసిందే.
పవర్ స్టార్ ట్రైలర్ రిలీజైంది మొదలు పవన్ అభిమానులు ఆర్జీవీపై మంట మీద ఉన్నారని నిన్నటి దాడి ప్రూవ్ చేసింది. అయినా ఆర్జీవీ ఎక్కడా తగ్గడం లేదు సరి కదా.. వరుస మీడియా మీటింగులతో ప్రచారం హోరెత్తించేస్తున్నాడు. వర్మ తీరుపై అల్లు అరవింద్ తీవ్ర ఆగ్రహం వ్యక్తం చేసిన సంగతి తెలిసిందే. హీరో నిఖిల్ కూడా వర్మను కుక్కతో పోల్చుతూ కౌంటర్ ఇచ్చాడు. ఈ వివాదంపై కొణెదల కుటుంబం నుంచి తొలి సారి రిప్లై వచ్చింది.
ఈ వార్ ఇలా నడుస్తున్న సమయం లో మెగా పవర్ స్టార్ రామ్ చరణ్ పోస్ట్ ఇప్పుడు హాట్ టాపిక్ గా మారింది. తాజాగా రామ్ చరణ్ రంగస్థలం సినిమాలోని చిట్టిబాబు లుక్ పోస్ట్ చేసి "కేవలం పనికొచ్చే విషయాలనే వింటున్నాను' అని కామెంట్ పెట్టాడు. చరణ్ వర్మను దృష్టిలో ఉంచుకునే ఈ వ్యాఖ్యలు చేసారని నెటిజన్లు భావిస్తున్నారు. వర్మ ఎప్పుడైతే టాలీవుడ్ లోకి రీఎంట్రీ ఇచ్చాడో అప్పటి నుంచి చిరంజీవి కుటుంబంపై వివాదాలను సృష్టిస్తూనే ఉన్నాడు.
|
|