నా రియల్‌ లైఫ్‌ లో అలా ఉండను : మేఘన ఆకాష్‌

హీరో  నితిన్‌ చాలా గ్యాప్‌ తీసుకున్న తరువాత 14 రీల్స్‌ పథకం పై హను రాఘవపూడి దర్శకత్వం వహిస్తున్న చిత్రం ’లై’. ఈ చిత్రం లో నితిన్‌ కు  గా మలయాళీ  భామ  మేఘా ఆకాష్‌ ను తొలిసారిగా   తెలుగువారికి  పరిచయం చేస్తున్నారు దర్శక నిర్మాతలు.   ఈ నెల 11న లై విడుదల కారణంగా  ఆమె మీడియాతో మాట్లాడారు. ఆ వివరాలు ఏంటో ఇప్పుడు తెలుసుకుందాం... 

ప్ర:  ’లై’  సినిమా అవకాశం మీకెలా వచ్చింది ?

స :  గౌతమ్‌ మీనన్‌ గారితో చేస్తున్న సినిమా షూటింగ్‌ జరుగుతుండగా ఈ స్క్రిప్ట్‌ నా దగ్గరకు వచ్చింది. వినగానే నచ్చి ఒప్పుకున్నాను.

ప్ర:  ఈ సినిమాలో మీ పాత్ర  ఎలా ఉంటుంది ?

స :  ఇందులో నా క్యారెక్టర్‌ పేరు చైత్ర. చాలా ఎనర్జిటిక్‌ గా ఉంటుంది. ఎప్పుడూ హుషారుగా, మాట్లాడుతూ ఉంటుంది. నిజానికి రియల్‌ లైఫ్‌ లో నేనలా ఉండను. చాలా కామ్‌ గా ఉంటాను.

ప్ర:  మీ ఫ్యామిలీ బ్యాక్‌ గ్రౌండ్‌ ఏంటి ?

స :  మా నాన్న ఆకాష్‌ రాజా తెలుగువారు, అమ్మ బిందు రాజా మలయాళీ. చెన్నైలో పెరిగాను. అక్కడే విజువల్‌ కమ్యూనికేషన్స్‌ లో డిగ్రీ చేశాను.

ప్ర:  తమిళంలో ఏయే సినిమాలు చేస్తున్నారు ?

స :  తమిళంలో రెండు సినిమాలు చేస్తున్నాను. వాటిలో గౌతమ్‌ మీనన్‌, ధనుష్‌ ల సినిమా ఎన్నై నోకి పాయుమ్‌ తోట ఒకటి. అలాగే బాలాజీ డైరెక్షన్లో ఓరు పక్క కత్తి కూడా చేస్తున్నాను. అవి రెండు చివరి దశ పనుల్లో ఉన్నాయి.

ప్ర:  వాటి కంటే లై ముందుగా విడుదల అవ్వనుందా    ?

స :  అవును. లై నా ఫస్ట్‌ రిలీజవుతుంది. ఒక తెలుగు సినిమా నా మొదటి సినిమా కావడం చాలా సంతోషంగా ఉంది.

ప్ర:  కథలో మీ పాత్రకు ప్రాముఖ్యత ఉంటుందా ?

స :  నా క్యారెక్టర్‌ కేవలం పాటలు కోసం మాత్రమేకాదు నాకు కూడా కథలో ఇంపార్టెన్స్‌ ఉంటుంది. అంతేగాక ఆసక్తికరంగా కూడా ఉంటుంది.

ప్ర:  నితిన్‌ తో వర్క్‌ ఎలా ఉంది ?

స :  నితిన్‌ తో వర్క్‌ చాలా బాగుంది. అర్థం కాని విషయాల్ని ఓపిగ్గా వివరించేవాడు. ఇలా చేస్తే బాగుంటుంది అని సజషన్స్‌ కూడా ఇస్తుంటాడు.

ప్ర:  నితిన్‌ సెట్స్‌ లో ఎలా ఉంటాడు ?

స :  చాలా బాగుంటారు. డౌన్‌ టు ఎర్త్‌. కష్టపడి పనిచేస్తాడు. ఎప్పుడూ సరదాగా మాట్లాడుతుంటారు .

ప్ర:  హను రాఘవపూడి డైరెక్షన్‌ ఎలా అనిపించింది ?

స :  హను రాఘవపూడిగారు మంచి డైరెక్టర్‌. ఆయన వర్క్‌ చాలా డిఫరెంట్‌ గా ఉంటుంది. ఆయనే నాకు చాలా కాన్ఫిడెన్స్‌ ఇచ్చేవారు.

స :  రామ్‌ సినిమాని ఎందుకు వదులుకున్నారు ?

స :  గౌతమ్‌ మీనన్‌ సినిమాతో బిజీగా ఉండటం వలన డేట్స్‌ క్లాష్‌ వచ్చి ఆ సినిమాని వదులుకోవాల్సి వచ్చింది.

ప్ర:  పవన్‌  కళ్యాణ్‌ గారితో  సినిమా చేయనున్నారా? 

స :  అవును. ఆ స్క్రిప్ట్‌ నాకు బాగా నచ్చింది. అందుకే చేస్తున్నా...

ప్ర:  లై చిత్రం ఎక్కువ శాతం అమెరికా లో  జరిగింది ఎలా అనిపించింది  షెడ్యూల్‌  ?

స :  75 రోజుల పాటు యూఎస్‌ లోని లాస్‌ వేగాస్‌, శాన్‌ ఫ్రాన్సిస్కో, చికాగో వంటి చోట్ల షూట్‌ చేశాం. కష్టమైన షెడ్యూల్‌. అయినా మంచి టీమ్‌ అవడం వలన చాలా బాగా జరిగింది.

ప్ర:  మీ ఫెవరెట్‌ హీరో హీరోయిన్లు ఎవరు ?

స :  నాకు త్రిష అంటే చాలా ఇష్టం. బాలీవుడ్‌ లో  అలియా భట్‌ నచ్చుతుంది. ఎందుకంటే చిన్న వయసులోనే ఎన్నో విభిన్నమైన పాత్రలు చేస్తోంది కాబట్టి. ఇక హీరోల విషయానికొస్తే తెలుగులో పవన్‌ కళ్యాణ్‌, హిందీ లో షారుఖ్‌   ఇష్టం  అంటూ ముగించింది మేఘన ఆకాష్‌..