ఏప్రిల్ 8న ‘పుష్ప2’ నుండి మరో టీజర్
cinema | Suryaa Desk | Published : Fri, Apr 05, 2024, 03:23 PM
‘హెడ్‌ఫోన్స్‌ రెడీ చేసుకోండి. ‘పుష్ప2’ టీజర్‌కు సెన్సేషనల్‌ బీజీఎం రాబోతోంది’ అంటూ పుష్ఫ టీం అదిరిపోయే అప్డేట్ ఇచ్చింది. అల్లు అర్జున్, సుకుమార్ కాంబినేష‌న్‌లో రూపొందుతున్న ఇండియాస్ మోస్ట్ ఎవైటెడ్ చిత్రం పుష్ఫ ది రూల్. ఆగ‌స్టు 15 న థియేట‌ర్ల‌లోకి రానున్న ఈ సినిమా నుంచి గ‌తంలో ఓ టీజర్ విడుద‌ల చేసిన సంగ‌తి తెలిసిందే. ఏప్రిల్ 8న అల్లు అర్జున్ జ‌న్మ‌దినంను పుర‌స్క‌రించుకుని మరో టీజ‌ర్‌ను విడుద‌ల చేయ‌నున్న‌ట్లు ఇప్ప‌టికే మేక‌ర్స్ ప్ర‌క‌టించారు. ఈనేప‌థ్యంలో చాలామంది అభిమానులు ఇప్పుడు ఈ అప్డేట్ కోసం ఎదురు చూస్తున్నారు. ఈ క్ర‌మంలోనే ‘హెడ్‌ఫోన్స్‌ రెడీ చేసుకోండి. ‘పుష్ప2’ టీజర్‌కు సెన్సేషనల్‌ బీజీఎం రాబోతోంది’ అంటూ సోష‌ల్ మీడియాలో పోస్టు చేసింది. సోమ‌వారం ఏప్రిల్ 8న విడుద‌ల చేయ‌నున్న పుష్ప 2 ది రూల్ టీజర్ బ్యాగ్రౌండ్ మ్యూజిక్ రెడీ చేసేందుకు అల్లు అర్జున్, సుకుమార్ ఇద్ద‌రు క‌లిసి ఈ చిత్ర సంగీత ద‌ర్శ‌కుడు దేవీశ్రీ ప్ర‌సాద్ తో క‌లిసి మ్యూజిక్ సిట్టింగ్స్‌లో పాల్గొన్నారు. ఆ స‌మ‌యంలో వారు క‌లిసి దిగిన ఫొటోను చిత్ర నిర్మాణ సంస్థ మైత్రీ మూవీ మేక‌ర్స్ సామాజిక మాధ్య‌మాల్లో పోస్టు చేయ‌గా బాగా వైర‌ల్ అవుతోంది.
|
|