'నడికర్' USA రైట్స్ ని సొంతం చేసుకున్న ప్రముఖ బ్యానర్
cinema | Suryaa Desk | Published : Tue, Apr 23, 2024, 03:34 PM
తెలుగులో అత్యద్భుతమైన చిత్రాలను నిర్మిస్తున్న ప్రొడక్షన్ హౌస్ లలో మైత్రీ మూవీ మేకర్స్ ఒకటి. తాజాగా ఇప్పుడు ఇతర భాషా చిత్రాలను కూడా ఈ ప్రొడక్షన్ హౌస్ నిర్మించడం ప్రారంభించింది. మలయాళ స్టార్ హీరో టోవినో థామస్‌తో నడికర్ తిలగం అనే టైటిల్ తో ఒక చిత్రాన్ని మేకర్స్ ప్రకటించారు.
ఈ చిత్రంలో టోవినో థామస్ సూపర్ స్టార్ డేవిడ్ పడిక్కల్ పాత్రను పోషిస్తున్నాడు. తాజాగా మూవీ మేకర్స్ ఈ సినిమా యొక్క USA రైట్స్ ని ప్రత్యంగిరా బ్యానర్ సొంతం చేసుకున్నట్లు ప్రకటించారు. ఈ విషయాన్ని తెలియజేసేందుకు మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసారు.
సౌబిన్ షాహిర్ బాల పాత్రలో కనిపించనుండగా, భావన కథానాయిక. ధ్యాన్ శ్రీనివాసన్, అనూప్ మీనన్, షైన్ టామ్ చాకో, అజు వర్గీస్, శ్రీనాథ్ భాసి, లాల్ కీలక పాత్రలు పోషిస్తున్నారు. ఈ సినిమా ప్రపంచవ్యాప్తంగా మే 3, 2024 థియేటర్లలో విడుదల కానుంది.
డ్రైవింగ్ లైసెన్స్ ఫేమ్ లాల్ జీన్ పాల్ ఈ చిత్రాన్ని దర్శకత్వం వహిస్తున్నారు. పుష్ప మేకర్స్‌తో కలిసి అల్లన్ ఆంటోని మరియు అనూప్ వేణుగోపాల్ ఈ చిత్రాన్ని సంయుక్తంగా నిర్మించారు. యక్జాన్ గారి పెరీరా మరియు నేహా ఎస్ నాయర్ ఈ చిత్రానికి సంగీతం సమకూరుస్తున్నారు.
|
|
