'ది గోట్‌' లో రెండు పాటలు పాడిన విజయ్
cinema | Suryaa Desk | Published : Mon, May 27, 2024, 06:52 PM
కోలీవుడ్ స్టార్ హీరో తలపతి విజయ్ తన తదుపరి చిత్రాన్ని వెంకట్ ప్రభుతో చేస్తున్నట్లు ప్రకటించిన సంగతి అందరికి తెలిసిందే. ఈ ప్రతిష్టాత్మక ప్రాజెక్ట్‌లో విజయ్ ద్విపాత్రాభినయం చేయనున్నాడు. ఈ సినిమాకి గ్రేటెస్ట్ ఆఫ్ ఆల్ టైమ్ (G.O.A.T.) అనే టైటిల్ ని లాక్ చేసారు. ఈ సినిమా సెప్టెంబర్ 5, 2024న గ్రాండ్ విడుదల కానుంది. ఇటీవల జరిగిన ఒక కార్యక్రమంలో, ప్రముఖ స్వరకర్త యువన్ శంకర్ రాజా ఒక ఆసక్తికరమైన అప్డేట్ ని పంచుకున్నారు. ఈ చిత్రం కోసం తలపతి విజయ్ రెండు పాటలు పాడారని వెల్లడించారు. విజయ్ పాడిన విజిల్ పోడు అనే మొదటి పాట ఇప్పటికే విడుదలై మంచి ఆదరణ పొందింది. మరో పాటను త్వరలో ఆవిష్కరించనున్నారు. విజయ్ ఒకే సినిమాలో రెండు ట్రాక్‌లకు తన గాత్రని అందించిన మూడవ చిత్రం ఇది. ఈ సినిమాలో విజయ్ సరసన హ్యాపెనింగ్ నటి మీనాక్షి చౌదరి కథానాయికగా నటిస్తోంది. ప్రశాంత్, ప్రభుదేవా, మోహన్, స్నేహ, లైలా, యోగిబాబు, వీటీవీ గణేష్, అజ్మల్ అమీర్, వైభవ్, ప్రేమి, అజయ్ రాజ్, అరవింద్ ఆకాష్ ఈ సినిమాలో కీలక పాత్రలు పోషిస్తున్నారు. ఎజిఎస్ ఎంటర్‌టైన్‌మెంట్ బ్యానర్‌పై అర్చన కలాపతి, కళపతి ఎస్ అఘోరం, కలపతి ఎస్ గణేష్, కళపతి ఎస్ సురేష్ ఈ భారీ చిత్రాన్ని నిర్మిస్తున్నారు. ఈ మెగా ప్రాజెక్ట్‌కి యువన్ శంకర్ రాజా సంగీతం అందించనున్నారు.
|
|
