టిక్కెట్ ధర తగ్గింపును ప్రకటించిన 'కల్కి 2898 AD' టీమ్
cinema | Suryaa Desk | Published : Fri, Aug 02, 2024, 04:30 PM
అందరూ ఎంతో ఆసక్తిగా ఎదురుచూస్తున్న చిత్రం 'కల్కి 2898 AD' ప్రపంచవ్యాప్తంగా బహుళ భాషల్లో విడుదలైంది. రెబల్ స్టార్ ప్రభాస్, దీపికా పదుకొణె జంటగా నటించిన ఈ ప్రాజెక్ట్‌కి దర్శకుడు నాగ్ అశ్విన్ దర్శకత్వం వహించాడు. ఈ సినిమా వరల్డ్ వైడ్ బాక్స్ఆఫీస్ వద్ద 1100 కోట్ల క్లబ్ లో జాయిన్ అయ్యింది. ఈ చిత్రం థియేటర్లలో ఆరవ వారంలోకి ప్రవేశించడంతో మేకర్స్ భారీ ఆఫర్‌ను ప్రవేశపెట్టారు. నేటి నుండి భారతదేశం అంతటా థియేటర్లలో కల్కి 2898 AD టిక్కెట్లు కేవలం 100 రూపాయలు మాత్రమే. ఈ ప్రత్యేక ధర ఆగస్టు 9, 2024 వరకు అందుబాటులో ఉంటుంది. ఈ విషయాన్ని తెలియజేసేందుకు చిత్ర బృందం ఆన్లైన్ లో సరికొత్త పోస్టర్ ని విడుదల చేసి ప్రకటించింది. ఈ చిత్రంలో దిశా పటాని, పశుపతి, మరియు రాజేంద్ర ప్రసాద్ కీలక పాత్రల్లో నటించారు. సంతోష్ నారాయణన్ సంగీతంఅందించిన ఈ చిత్రాన్ని వైజయంతీ మూవీస్ పతాకంపై అశ్విని దత్ నిర్మించారు.
|
|