by Suryaa Desk | Mon, Apr 29, 2024, 10:28 PM

బడ్జెట్ ధరలో మంచి కారు కొనుగోలు చేయాలనుకునే వారికి బెస్ట్ డీల్. కేవలం రూ.6 లక్షలకే కొత్త కారు ఇంటికి తీసుకెళ్లొచ్చు. ఆపైన రూ.62 వేల వరకు డిస్కౌంట్ పొందవచ్చు. ఈ ఏప్రిల్ నెలలో మారుతీ సుజుకీ అరేనా డీలర్స్ చాలా రకాల బెనిఫిట్స్ అందిస్తున్నాయి. అందులో క్యాష్ డిస్కౌంట్స్, ఎక్స్చేంజీ బోనస్ వంటివి ఉన్నాయి. గత నెలలో ఇచ్చినట్లుగానే వివిధ మోడళ్లపై మారుతీ సుజుకీ వివిధ రకాల బెనిఫిట్స్ కలిపిస్తోంది. మారుతీ సుజుకీ ఆల్టో కే 10, ఎస్ ప్రెస్సో, వాగన్ ఆర్, సెలేరియో, స్విఫ్ట్, డిజైర్ వంటి మోడళ్లపై డిస్కౌంట్ ఆఫర్ ఉంది.

మారుతీ సుజుకీ కే10..

మారుతీ సుజుకీ కే10 కారుపై ఈ ఏప్రిల్ నెలలో మంచి ఆఫర్స్ ఇస్తోంది కంపెనీ. ఈ కారులో 1.0 లీటర్, మూడు సిలిండర్ల ఎన్ఏ పెట్రోల్ ఇంజిన్ ఉంటుంది. 67హెచ్‌పీ పవర్ జనరేట్ చేస్తుంది. ఇందులో 5 స్పీడ్ మాన్యువల్ లేదా ఆటోమేటిక్ గేర్ వ్యవస్థ ఉంటుంది. ఆటోమేటిక్ కారు వేరియంట్ పైన ఈ నెలలో రూ. 62 వేల వరకు డిస్కౌంట్ పొందవచ్చు. అలాగే మాన్యువల్ వేరియంట్ అయితే రూ. 57 వేల వరకు తగ్గింపు పొందవచ్చు. ఇక సీఎన్‌జీ వర్షన్ కారుపై రూ. 42 వేల వరకు బెనిఫిట్స్ పొందవచ్చు. ఈ కారు ధర రూ. 3.99 లక్షల నుంచి రూ. 5.96 లక్షల (ఎక్స్ షోరూమ్) వరకు ఉంటుంది.

మారుతీ ఎస్- ప్రెస్సో..

రెనాల్ట్ క్విడ్, మారుతీ ఎస్- ప్రెస్సో ఒకే విధమైన 1.0 లీటర్ పెట్రోల్ ఇంజిన్ కలిగి ఉంటాయి. ఇందులోనూ 5 స్పీట్ ఆటోమేటిక్, మాన్యువల్ గేర్ సిస్టమ్ ఉంటుంది. ఎస్- ప్రెస్సో కారు ఆటోమేటిక్ వేరియంట్ పై రూ. 61 వేల వరకు బెనిఫిట్స్ పొందవచ్చు. అలాగే మాన్యువల్ వర్షన్ కారుపై రూ. 56 వేల వరకు డిస్కౌంట్ పొందవచ్చు. అలాగే సీఎన్‌జీ కారుపై రూ.46 వేల వరకు బెనిఫిట్స్ లభిస్తున్నాయి. ఈ కారు ఎక్స్ షోరూమ్ ధర రూ. 4.27 లక్షల నుంచి రూ. 6.12 లక్షల మధ్య ఉంది. అయితే, ఈ ఆఫర్ అనేది ప్రాంతం, డీలర్ షిప్ ని బట్టి మారుతుంది. ఈ డిస్కౌంట్ ఆఫర్ గురించి పూర్తి వివరాలు మీ సమీపంలోని షోరూమ్ కి వెళ్లి ముందుగానే తెలుసుకోవడం మంచిది. లేదంటే తర్వాత ఆందోళన చెందాల్సి వస్తుంది.