by Suryaa Desk | Sat, Nov 23, 2024, 01:30 PM

సీఎం చంద్రబాబు, ఐటి శాఖ మంత్రి నారా లోకేశ్‌లు నాకు అప్పగించిన రుడా చైర్మన్‌ బాధ్యతలను చిత్తశుద్ధితో నిర్వర్తిస్తానని బొడ్డు వెంకట రమణ చౌదరి అన్నారు. రాజ మహేంద్రవరం ప్రియాంక గార్డెన్స్‌లో శుక్రవారం విలేకరులతో మాట్లాడారు. రెండేళ్ల కిందట తమ నాయకుడు చం ద్రబాబు సమక్షంలో టీడీపీలో చేరానన్నారు.

అప్పుడు రాజానగరం నియోజకవర్గ ఇన్‌చార్జిగా తనను నియమించారని చెప్పారు. 1983 నుంచి రాజకీయాల్లో ఉన్న నా తండ్రి స్ఫూర్తితో రాజకీయాలకు వచ్చానన్నారు. ప్రజల అభి మానమే తన ఆస్తి అన్నారు. తనకు రుడా చైర్మన్‌ పదవి రావడానికి సహకరించిన ఉమ్మడి జిల్లాలోని ఎమ్మెల్యేలందరికి ధన్యవాదాలు తెలిపారు. రుడా చైర్మన్‌గా ఈ నెల 24న చెరుకూరి కల్యాణ మండపంలో ప్రమాణస్వీకారం చేస్తున్నానన్నారు.రుడాలోపాలు సరిచేసి పారదర్శక పాలన అందిస్తామన్నారు.