by Suryaa Desk | Tue, Dec 23, 2025, 09:02 PM

ICC Rankingsలో టీమిండియా స్టార్ ఆల్‌రౌండర్ దీప్తి శర్మ చరిత్ర సృష్టించారు. మహిళల టీ20 అంతర్జాతీయ బౌలింగ్ ర్యాంకింగ్స్‌లో మొదటిసారిగా ప్రపంచ నెం.1 స్థానం సాధించారు.ఆస్ట్రేలియా ఫాస్ట్ బౌలర్ అన్నబెల్ సదర్లాండ్ని వెనక్కి నెట్టి దీప్తి ఈ ఘనతను అందుకున్నారు. శ్రీలంకతో జరిగిన ప్రథమ టీ20 మ్యాచ్లో ఆమె అద్భుత ప్రదర్శనతో విజయం సాధించడమే ఈ ర్యాంక్‌కు కారణమైంది. డిసెంబర్ 21న విశాఖపట్నం ఏసీఏ-వీడీసీఏ స్టేడియంలో జరిగిన మ్యాచ్‌లో భారత్ ఘన విజయం సాధించింది. దీప్తి నాలుగు ఓవర్లలో కేవలం 20 పరుగులు మాత్రమే ఇచ్చి అత్యంత కట్టుదిట్టమైన బౌలింగ్ చేశారు. అలాగే, శ్రీలంక బ్యాటర్ హసిని పెరెరా వికెట్ కూడా ఆమె ఖాతాలో వేసుకున్నారు.ఈ ప్రదర్శనతో దీప్తి శర్మకు 737 రేటింగ్ పాయింట్లు వచ్చాయి. ఇది అన్నబెల్ సదర్లాండ్ కంటే ఒక పాయింట్ ఎక్కువ కావడంతో, దీప్తి టాప్ ర్యాంక్‌ను పొందారు.మరొక వైపు, మహిళల క్రికెట్‌లో మరో కీలక మార్పు కూడా చోటు చేసుకుంది. దక్షిణాఫ్రికా కెప్టెన్ లారా వోల్వార్ట్, భారత వైస్ కెప్టెన్ స్మృతి మంధానాను వెనక్కి నెట్టి ప్రపంచ నెం.1 వన్డే బ్యాటర్గా నిలిచారు.ఇది ఐర్లాండ్ హోమ్ వైట్‌బాల్ సిరీస్‌లో లారా వోల్వార్ట్ అద్భుత ప్రదర్శనకే కారణమైంది. రెండో, మూడో వన్డేలలో వరుసగా శతకాలు సాధించి తన జట్టును 3-0 సిరీస్ విజయానికి నడిపించారు. ఈ ప్రదర్శనతో ఆమె 820 రేటింగ్ పాయింట్లు సాధించి మంధానా (811)ను అధిగమించి వన్డే బ్యాటింగ్ ర్యాంకింగ్స్‌లో అగ్రస్థానాన్ని దక్కించుకున్నారు.