by Suryaa Desk | Fri, Jan 02, 2026, 10:15 PM

బియ్యం నీటిలో ఎన్నో పోషకాలు, మినరల్స్ ఉంటాయి. వీటిని నేడు బ్యూటీలో భాగంగా చేర్చారు. కానీ, ఒకప్పుడు ఇది డైట్‌లో మెయిన్ కోర్స్‌గా ఉండేది. ఇప్పటికీ చాలా మంది బియ్యం నీటిని పారబోయకుండా తాగుతారు. కొంతమందికి అది ఇష్టముండదు. పారబోస్తుంటారు. అలా కాకుండా బియ్యంనీటిని అనేక విధాలుగా వాడొచ్చు. ఇంట్లో చాలా పనులకి దీనిని వాడొచ్చు. అదెలా, ఎన్ని విధాలుగా ఈ నీటిని వాడొచ్చో తెలుసుకోండి.

మొక్కలకి నీరుగా

చాలా మంది బియ్యం కడిగిన నీటిని, గంజిని పారబోస్తుంటారు కానీ, వీటిని మీ మొక్కలకి పోస్తే చక్కని ఎరువుల్లా పనిచేస్తాయి. ఇందులోని పోషకాలు, మినరల్స్ మొక్కల ఎదుగదలకి చాలా బాగా ఉపయోగపడతాయి. ఆకుకూరలు, కూరగాయలు, పండ్ల మొక్కలకి పోయొచ్చు. అయితే, అందులో ఉప్పు ఉండకూదు. పైగా వేడినీటిని అస్సలు పోయొద్దు. చల్లారకే పోయాలి.

ఇంటి క్లీనింగ్‌ కోసం

బియ్యంనీటిని మనం చల్లార్చి ఓ బాటిల్‌లో పోసి గ్లాసు, అద్దాలు, గాజు వస్తువుల్ని క్లీన్ చేయొచ్చు. ముందుగా మరకలు ఉన్న చోట ఈ నీటిని చల్లి తర్వాత మెల్లిగా రుద్ది క్లీన్ చేయాలి. దీని వల్ల వస్తువులు చక్కగా మెరుస్తాయి.

కంటెయినర్స్ క్లీనింగ్ కోసం

కొన్నిసార్లు మనం ఇంట్లో కంటెయినర్స్ అల్లం, వెల్లుల్లి పేస్టు వంటివి స్టోర్ చేసినప్పుడు వాటిని క్లీన్ చేశాక కూడా అందులో నుంచి వాసన పోదు. అలాంటి వాసనల్ని దూరం చేయడానికి పవర్‌ఫుల్ డిటర్జెంట్స్ కాకుండా ఈ బియ్యం నీటిని వాడొచ్చు. బియ్యం నీటిలో ఆ కంటెయినర్స్‌ని కాసేపు నానబెట్టి ఆ తర్వాత క్లీన్ చేయండి. వాసన అస్సలు ఉండదు.

చర్మానికి వాడడం

ఈ నీటిని మనం స్కిన్‌కి అప్లై చేసినా, లేదా ముఖాన్ని క్లీన్ చేసుకున్నా కూడా స్కిన్‌పై ఉన్న పోర్స్ టైట్ అవుతాయి. అదే విధంగా, స్కిన్‌ షైనీగా మారుతుంది దీనిని మనం ఫేస్‌మాస్క్‌ల్లో కలిపికూడా వాడొచ్చు. లేదా షీట్ మాస్క్‌ని ఆ నీటిలో ఉంచి తర్వాత ముఖంపై ఉంచి ముఖం హైడ్రేట్‌గా ఉంటుంది.

​జుట్టుని క్లీన్ చేయడానికి

అదే విధంగా, ఈ నీటిని మనకి జుట్టుకి స్ప్రే చేసినా లేదా జుట్టుని క్లీన్ చేసుకున్నా కూడా మంచి రిజల్ట్ ఉంటుంది. జుట్టు చక్కగా అందంగా మెరుస్తుంది. స్ప్లిట్ ఎండ్స్ తగ్గుతాయి. డ్రైనెస్ తగ్గి జుట్టు కూడా చక్కగా పెరుగుతుంది .