by Suryaa Desk | Mon, Jan 05, 2026, 11:54 PM

పెరిగి అవగాహన కారణంగా చాలా మంది షుగర్ మంచిది కాదని తెలుసుకుంటున్నారు. పంచదార బదులు ఇతర ఆల్టర్నేటివ్స్ తీసుకుంటున్నారు. కానీ, ఏదేమైనా షుగర్ మనకి అనేక రూపాల్లో దొరుకుతుంది. దీనిని మానేస్తేనే సరైన రిజల్ట్స్ ఉంటాయని ఎక్స్‌పర్ట్స్ చెబుతుంటారు. ఇందులో భాగంగా డాక్టర్ సేథి పంచదారని కనీసం 14 రోజుల పాటు మానేస్తే బాడీలో ఎన్నో చేంజెస్ రావడమే కాకుండా, చాలా సమస్యలు దూరమవుతాయని చెబుతున్నారు. ఆయన ప్రకారం, అసలు షుగర్ ఎందుకు మానాలి, మానేస్తే ఏయే సమస్యలు దూరమవుతాయో తెలుసుకుందాం.

చాలా మంది ఆలోచించేది ఏంటంటే

షుగర్ తీసుకోవడం వల్ల కేవలం కేలరీలు మాత్రమే పెరుగుతాయనుకుంటారు. కానీ, అది మాత్రమే కాదు, ఆకలి, క్రేవింగ్స్, ఇన్సులిన్, లివర్ ఫ్యాట్ వంటి ఎన్నో సమస్యలు మెల్లిగా పెరగడానికి కారణం పంచదారే. అందుకే, తన దగ్గరికి వచ్చే పేషెంట్స్‌కి 14 రోజుల పాటు పంచదారని మానేయమని డాక్టర్ సేథి సలహా ఇస్తుంటారు.

పంచదార మానేసిన మొదట్లో ఏమవుతుందంటే

ఏదైనా సరే మొదట్లో అంత ఈజీగా ఉండదు. పంచదారని మానేయగానే ముందుగా క్రేవింగ్స్ పుడతాయి. దీంతోపాటు తలనొప్పి, అలసట, ఇరిటేషన్, మెదడు పనితీరు తగ్గడం ఇలాంటి సమస్యలన్నీ ఉంటాయి. ఎప్పుడెప్పుడు పంచదారని నోట్లో వేసుకోవాలన్న కోరిక ఉంటుంది. కానీ, అది మొదట్లో మాత్రమే. అలవాటు అయ్యే కొద్దీ మెల్లిగా మన బ్రెయిన్, బాడీ ఆ అలవాటుకి అలవాటు పడిపోతుంది.

అలవాటు అయ్యే కొద్దీ కనిపించే బెనిఫిట్స్

పంచదారని మానేయగానే మనలో చాలా చేంజెస్ కనిపిస్తాయి. ముందుగా కోరికలు తగ్గుతాయి. ఎనర్జీ కూడా తగ్గకుండా ఉంటుంది. బ్లోటింగ్ వంటి సమస్యలు దూరమవుతాయి. మధ్యాహ్నం అయ్యేసరికి కొంతమంది నీరసం అవుతారు. అలాంటి సమస్యలు ఉండవు. ఇన్సులిన్ చక్కగా పనిచేస్తుంది.

14 రోజుల్లో ఎలాంటి లాభాలుంటాయంటే

బెల్లీ ఫ్యాట్ తగ్గుతుంది. హ్యాపీగా నడుము చుట్టు కొలత తగ్గుతుంది. మంచి నిద్ర మీ సొంతమవుతుంది. ఆకలి తగ్గుతుంది. తినాలనే కోరికలు ఉంటవు. ఫాస్టింగ్ గ్లూకోజ్ ఇంప్రూవ్ అవుతుంది. మెటబాలిజం చేంజ్ అవుతుంది. 14 రోజుల పాటు మీరు గనుక సక్సెస్‌ఫుల్‌గా పంచదారని అవాయిడ్ చేస్తే ఇన్సులిన్ స్పైక్స్ పెరగవు. లివర్ షుగర్ తగ్గుతుంది. బాడీలో వాటర్ రిటెన్షన్ తగ్గి బరువు తగ్గుతారు. కోరికలు ఉండవు. విసెరల్ ఫ్యాట్ తగ్గుతుంది. మెటబాలిక్ రీసెట్ అవుతుంది.

ఎందుకు బెటర్

పంచదారని మానేయడం పెద్ద కష్టమేమీ కాదు. ఎందుకంటే ఇది ఎలాంటి కీటో డైట్ కాదు. జీరో కార్బ్స్ కావు. రోజంతా ఫాస్టింగ్ ఉండాల్సిన అవసరం లేదు. పండ్లు పుష్కలంగా తినొచ్చు. మీరు కేవలం పంచదారని మాత్రమే దూరం పెడుతున్నారు. ఆ ఒక్కదాని వల్ల ఇన్ని లాభాలు.

పంచదారతో పాటు వేటికి దూరంగా

మనం పంచదారని మాత్రమే తగ్గిస్తే సరిపోదు. మనకి తెలియకుండానే కొన్ని డ్రింక్స్, జ్యూసెస్, ఫ్లేవర్డ్ యోగర్ట్, సీరియల్స్, బార్స్, సాస్, డ్రెస్సింగ్స్, బేక్డ్ గూడ్స్, స్వీటెన్డ్ ఆల్కహాల్ వాటన్నింటిలోనూ పంచదార ఉంటుంది. అయితే, వాటిలేబుల్స్‌పై మనల్ని మిస్‌లీడ్ చేయడానికి అనేక పేర్లతో పంచదార ఉంటుంది. కాబట్టి, వాటికి దూరంగా ఉండడం మంచిది.

పంచదారని మానేస్తే కలిగే లాభాలు

​ఎవరికీ ఎక్కువగా లాభం

ఎవరైతే క్రేవింగ్స్‌తో బాధపడతారో వారికి చాలా మంచిది. అలానే బ్లోటింగ్, ఫ్యాటీ లివర్, ఇన్సులిన్ రెసిస్టెన్స్, తక్కువ ఎనర్జీ, నిద్ర సమస్యలు ఉన్నవారందరికీ పంచదారని తగ్గించడం చాలా మంచిది. దీని వల్ల చాలా మేలు జరుగుతుంది. మరి ఇన్ని లాభాలున్నప్పుడు పంచదారని కేవలం 14 రోజులు మానేయలేమా.. ఆ తర్వాత మీ అవసరాలని బట్టి మీరు పూర్తిగా మానేయడం లేదా తగ్గించడం చేయొచ్చు.