by Suryaa Desk | Sun, Jan 25, 2026, 11:27 PM

గ్రెయిన్స్ ఆరోగ్యానికి మంచివి. కానీ, వాటితో ఎక్కువగా రెసిపీలు చేయలేంరా బాబు.. బోరింగ్ ఫుడ్ మాత్రమే అనుకుంటారు. కానీ, అలా అనుకునేవారంతా ఓ సారి ఇప్పుడు చెప్పినట్లుగా సరైన విధంగా, వాటిని మన డైట్‌లో ఇంక్లూడ్ చేయడం మంచిది. జొన్నల్ని మనం రొట్టే, జావ చేస్తుంటాం. అయితే, ఈ సారి సరికొత్తగా ఇడ్లీ తయారుచేయండి. జొన్నలతో తయారైన ఇడ్లీలు తినడానికి రుచిగా ఉండడమే కాకుండా ఎంతో హెల్దీ కూడా. ఎలా చేయాలని ఆలోచించేవారు డైటీషియన్ చారుతా కోపర్కర్ చెప్పిన రెసిపీ ఫాలో అయిపోండి.

కావాల్సిన పదార్థాలు

​జొన్నలు 1 కప్పు​

పెసలు అరకప్పు

నల్ల మినపప్పు 2 టేబుల్ స్పూన్లు

అర టీస్పూన్ మెంతులు

ఎండు మిరపకాయలు 3

మిరియాలు పావు టీస్పూన్

ఏం చేయాలి?

పదార్థాలన్నింటిని బాగా కడిగి 8 నుంచి 10 గంటలు నాననివ్వండి.

తర్వాత వాటన్నింటిని మెత్తగా మిక్సీ పట్టి రాత్రంతా పులియబెట్టండి. ఇలా పులియబెట్టిన పిండి ఎంతో ప్లఫీగా మారుతుంది. ఈ పిండితో ఇడ్లీలు మెత్తగా వస్తాయి. గొంతులో వేసుకోగానే కరిగిపోతాయి.

ఇడ్లీలు వేయడం

పులిసిన పిండి అవసరానికి తీసుకుని మిగతాది ఫ్రిజ్‌లో పెట్టేయొచ్చు. ఈ పిండిని ఇడ్లీ ప్లేట్స్‌కి కొద్దిగా నూనె రాసి ఇడ్లీల్లా వేయాలి. 10 నుంచి 15 నిమిషాల పాటు ఉడికించి తీసేయడమే. ఇవి చక్కగా ఉడుకుతాయి. మీకు కావాలనుకుంటే క్యారెట్, బీట్‌రూట్ తురుము కూడా వేయొచ్చు. ఇవన్నీ కూడా మంచి ఫైబర్ రిచ్ ఫుడ్స్

చట్నీకోసం

చట్నీ కోసం వేయించిన శనగలు అరకప్పు

వేయించిన పల్లీలు గుప్పెడు

పుదీనా ఆకులు

కరివేపాకులు

కొద్దిగా అల్లం

పచ్చిమిర్చి 2

జీలకర్ర అర టీస్పూన్

ఇంగువ చిటికెడు

నిమ్మరసం కొద్దిగా

తాజా కొత్తిమీర గుప్పెడు

నీరు సరిపోయేంత

పదార్థాలన్నింటినీ మిక్సీ పట్టి చట్నీ చేయండి.

చట్నీలో పోపు రెడీ చేసుకోండి. ​

జొన్నలతో ఇడ్లీలు తయారుచేయాలి.

ఎందుకు మంచివి

జొన్నల్లో ఫైబర్, ప్రోటీన్, యాంటీ ఆక్సిడెంట్స్ పుష్కలంగా ఉంటాయి. అంతేకాకుండా, మినరల్స్ ఉంటాయి. వీటిని తినడం వల్ల జీర్ణ సమస్యలు దూరమవుతాయి. రోజంతా యాక్టివ్‌గా ఉంటారు. బ్లడ్ షుగర్ కంట్రోల్ అవుతుంది. గుండె ఆరోగ్యానికి కూడా మంచిది. ఇందులోని ఫైబర్, బి విటమిన్స్, పాలీఫెనాల్స్ అన్నీ కూడా గుండెకి మేలు చేసేవే. తినగానే కడుపు నిండుగా ఉంటుంది. కాబట్టి, ఎక్కువగా జంక్ జోలికి వెళ్ళం. చక్కగా కడుపు నిండా తింటాం. ఆరోగ్యానికి మంచిది. ఇమ్యూనిటీని కూడా పెంచుతుంది.