|
|
by Suryaa Desk | Sat, Jan 31, 2026, 11:23 PM
ఫ్యాటీలివర్ సమస్య ఉంటే మొదట్లో ఎలాంటి లక్షణాలు కనిపించవు. అధికబరువు, టైప్ 2 డయాబెటిస్, ఇన్సులిన్ రెసిస్టెన్స్, హై కొలెస్ట్రాల్, సరిలేని లైఫ్స్టైల్ కారణంగా సమస్య వస్తుందని అనుకుంటాం. అదే విధంగా, ఎక్కువగా ఆల్కహాల్ తీసుకున్న సమస్య ఉంటుంది. అయితే, ఇది కేవలం సరిలేని లైఫ్స్టైల్ కారణంగానే కాదు. మనం హెల్దీ అనుకునే కొన్ని ఫుడ్స్ కారణంగా కూడా ప్రాబ్లమ్ వస్తుందని చెబుతున్నారు ఆయుర్వేద డాక్టర్ కొమ్మల్. ఇన్స్టాగ్రామ్లో షేర్ చేసిన ఓ వీడియోలో ఈ విషయం గురించి క్లియర్గా చెబుతున్నారు. కొన్ని ఫుడ్స్ మనం హెల్దీ అని తీసుకున్నప్పటికీ ఫ్యాటీ లివర్కి దారితీస్తాయని, కాబట్టి, వాటిని సరైన విధంగా మాత్రమే తీసుకోవాలని సూచిస్తున్నారు. ఆ ఫుడ్స్ ఏంటంటే
ప్రతిరోజూ ఓట్స్ తినడం
ఓట్స్ నిజంగా హెల్దీ. కానీ, వీటిని బ్యాలెన్స్గా కాకుండా రోజువారీ కార్బ్స్ తీసుకోవడం వల్ల ఇన్సులిన్ నిరోధకత పెరుగుతుంది. దీని వల్ల లివర్ గ్లూకోజ్ని కొవ్వుగా మార్చేలా చేస్తుంది. దీని వల్ల చాలా ఫ్యాటీ లివర్ ప్రాబ్లమ్ వచ్చే అవకాశం ఉంది. కాబట్టి, హెల్దీ అయినప్పటికీ ఓట్స్ని రెగ్యులర్గా తీసుకోవడం మంచిది.
బ్రౌన్రైస్ తినడం
బ్రౌన్రైస్ హెల్దీగా అనిపించినప్పటికీ రోజువారీ ఎక్కువగా తినడం అంటే ఎక్కువగా కార్బోహైడ్రేట్స్ తీసుకుంటే లివర్ ఫ్యాట్ పేరుకుపోతుంది. దీని వల్ల చాలా వరకూ సమస్య పెరుగుతుంది. కాబట్టి, అలా చేయకపోవడమే మంచిది.
నట్స్ తినడం
నట్స్లో ఎన్నో హెల్దీ ఫ్యాట్స్ ఉంటాయి. వీటిని తీసుకోవడం వల్ల మనకి మంచివే. కానీ, ఎక్కువ మొత్తంలో ఈ నట్స్ని తీసుకుంటే లివర్ మెటబాలిజంపై ఒత్తిడి పడుతుంది. కాబట్టి, వీటిని మోతాదులోనే తీసుకోవాలి. దీనికోసం మీరు డైటీషియన్ హెల్ఫ్ తీసుకోవచ్చు.
హెల్దీ డ్రింక్స్ అని జ్యూసెస్ తీసుకోవడం
ఇంట్లో తయారుచేసిన పండ్లరసాలు ఆరోగ్యానికి మంచివని తీసుకుంటారు. అయితే, ఇందులో ఫ్రక్టోజ్ ఉంటుంది. ఇది లివర్పై ఎఫెక్ట్ చూపిస్తుంది. దీంతో ఫ్యాటీ లివర్ పెరగడానికి కారణమవుతుంది. కాబట్టి, పండ్లరసాలను తీసుకున్నప్పుడు జాగ్రత్త అవసరం.
ప్రోటీన్ బార్స్
బాడీలో ప్రోటీన్ని పెంచడం కోసం చాలా మంది ఫిట్నెస్ ఫ్రీకర్స్ ప్రోటీన్ బార్స్ తీసుకుంటారు. అయితే, ఇందులో మనకి తెలియకుండా ఎక్కువగా షుగర్, అల్ట్రా ప్రాసెస్ చేసిన ఐటెమ్స్ ఉంటాయి. ఇవన్నీ కూడా నిశ్శబ్దంగా పేగు, లివర్ ఆరోగ్యానికి అంత మంచివి కావు.
ఫ్యాటీ లివర్కి కారణమయ్యే హెల్దీ ఫుడ్స్
గమనించాల్సిందేంటంటే
ఇక్కడ మంచి ఫుడ్స్ అన్నీ కూడా సమస్యని తీసుకొస్తాయని చెబుతున్నాం. అయితే, వీటి వల్ల ప్రాబ్లమ్ కాదు. వాటిని తీసుకునే విషయంలో బ్యాలెన్సింగ్ లేకపోవడం. మనం మోతాదుని చూసుకోకుండా తినడం వల్ల సమస్య వస్తుంది. కాబట్టి, ఎంత తినాలి, ఎలా తినాలి, ఎప్పుడు తినాలనే విషయాలన్నీ కూడా డైటీషియన్ సలహా తీసుకుని తీసుకోవాలి. ఫ్యాటీ లివర్ అనేది మనం సరైన ఫుడ్స్, మంచి లైఫ్స్టైల్ కారణంగా తగ్గించుకోవచ్చు. కాబట్టి, మంచి లైఫ్స్టైల్ని అలవాటు చేసుకోండి.
