by Suryaa Desk | Tue, Feb 03, 2026, 07:12 PM

UPI ఇప్పుడు భారతదేశం దాటి విస్తరిస్తోందని, కరెన్సీ మార్పిడి, స్థానిక చట్టాలకు అనుగుణంగా ఎనిమిది దేశాలలో ఉపయోగంలో ఉందని ఆర్థిక మంత్రి నిర్మలా సీతారామన్ తెలియజేశారు. UPI ప్రస్తుతం భూటాన్, ఫ్రాన్స్, మారిషస్, నేపాల్, ఖతార్, సింగపూర్, శ్రీలంక, UAEలలో పనిచేస్తుందని నిర్మలమ్మ పార్లమెంటుకు ఇచ్చిన లిఖితపూర్వక సమాధానంలో తెలిపారు. UPI అంతర్జాతీయ విస్తరణ కోసం ప్రభుత్వం, రిజర్వ్ బ్యాంక్ ఆఫ్ ఇండియా, NPCI ఇంటర్నేషనల్ పేమెంట్స్ లిమిటెడ్ (NIPL) సంయుక్తంగా అనేక చర్యలు తీసుకుంటున్నాయని ఆమె పేర్కొన్నారు.