by Suryaa Desk | Sat, Feb 14, 2026, 07:58 PM

ఇటలీలో జరుగుతున్న శీతాకాల ఒలింపిక్ క్రీడల సందర్భంగా ఆసక్తికర చర్చ మొదలైంది. పోటీల్లో పాల్గొంటున్న క్రీడాకారులకు పంపిణీ చేసిన కండోమ్‌లు తక్కువయ్యాయని, మరిన్ని అందించాలని వారు నిర్వాహకులను కోరుతున్నట్టు సమాచారం.ఒలింపిక్స్ అంటే క్రీడా ఉత్సవం. అయితే అథ్లెట్లకు కండోమ్‌లు ఎందుకు అందజేస్తారు? శృంగారం వల్ల శక్తి తగ్గదా? అనే సందేహాలు సహజంగానే వస్తాయి. ఈ వ్యవహారానికి వెనుక సామాజిక ఆరోగ్య పరిరక్షణతో పాటు కొన్ని శాస్త్రీయ అంశాలూ ఉన్నాయి.1988లో జరిగిన 1988 Summer Olympics నుంచే ఒలింపిక్ విలేజ్‌లో కండోమ్‌ల పంపిణీ ప్రారంభమైంది. దీని ప్రధాన ఉద్దేశ్యం సురక్షిత లైంగిక ఆచారాలను ప్రోత్సహించడం.
*సామాజిక కారణం:ఒలింపిక్ క్రీడల సమయంలో ప్రపంచం నలుమూలల నుంచి వేలాది మంది అథ్లెట్లు ఒకేచోట చేరుతారు. ఈ నేపథ్యంలో వ్యక్తిగత సంబంధాలు ఏర్పడే అవకాశం ఉంటుంది. HIV వంటి లైంగిక వ్యాధుల వ్యాప్తిని నివారించేందుకు సురక్షిత చర్యలుగా కండోమ్‌లు అందజేస్తారు.
*శాస్త్రీయ కోణం:‘టెస్టోస్టెరాన్’ హార్మోన్ పురుషులలో కండరాల వృద్ధి, శక్తి, ఆత్మవిశ్వాసానికి కీలకం. ఇది అథ్లెట్ల ప్రదర్శనపై ప్రభావం చూపుతుంది. శృంగారం వల్ల తక్షణ అలసట కలగవచ్చు. ముఖ్యంగా పోటీకి కొద్దిసేపటి ముందు పాల్గొంటే శరీరంపై ప్రభావం ఉండే అవకాశం ఉందని నిపుణులు సూచిస్తున్నారు.అయితే పోటీకి గంటల ముందు కాకుండా, సరైన విరామంతో పాల్గొంటే ఒత్తిడి హార్మోన్ అయిన కార్టిసాల్ స్థాయి తగ్గి, మంచి నిద్రకు దోహదపడుతుందని కొన్ని అధ్యయనాలు చెబుతున్నాయి. గాఢనిద్ర వల్ల మరుసటి రోజు శరీరం రిఫ్రెష్ అవుతుంది.అందుకే ఒలింపిక్ విలేజ్‌లో సురక్షిత చర్యలపై అవగాహన కల్పిస్తూ కండోమ్‌లను అందజేయడం ఒక సాధారణ పద్ధతిగా మారింది.