by Suryaa Desk | Sun, Mar 15, 2026, 07:44 PM

ప్రస్తుతం జరుగుతున్న భయంకరమైన యుద్ధ పరిస్థితులపై శాంతి దూత, ప్రజాశాంతి పార్టీ అధ్యక్షుడు డాక్టర్ కె.ఎ. పాల్ తీవ్ర ఆందోళన వ్యక్తం చేశారు. అమెరికా నుండి ఆయన ఒక అత్యవసర ప్రకటన చేస్తూ.. ఈ యుద్ధం వల్ల ప్రపంచమంతా ప్రభావితమవుతోందని, ఇప్పటికే భారత్‌లో గ్యాస్ కొరత వంటి సమస్యలు మొదలయ్యాయని గుర్తుచేశారు. ఒకవేళ ఈ యుద్ధం గనుక ఆగకపోతే, వారం రోజుల్లో సామాన్యుల పరిస్థితి అన్ని రకాలుగా ఊహించని రీతిలో దిగజారిపోతుందని ఆయన హెచ్చరించారు. ఈ ప్రమాదాన్ని ఆపడానికి ప్రతి ఒక్కరూ తీవ్రంగా ప్రార్థించాలని ఆయన విజ్ఞప్తి చేశారు.