by Suryaa Desk | Sat, Mar 21, 2026, 10:21 PM

టీమిండియా స్టార్ బ్యాటర్, తెలుగు తేజం Tilak Varma మెగాస్టార్ Chiranjeeviకు తాను డైహార్డ్ ఫ్యాన్ అని వెల్లడించాడు. చిన్నప్పటి నుంచి చిరంజీవి అంటే తనకు ఎంతో ఇష్టమని ఒక ఇంటర్వ్యూలో పేర్కొన్నాడు.ఆసియా కప్ 2025 విజయానంతరం తన అభిమాన హీరో చిరంజీవిని కలిసిన సంగతి తెలిసిందే. అంతకుముందు గతేడాది అక్టోబర్‌లో ‘మన శంకరవర ప్రసాద్ గారు’ సినిమా సెట్‌కు వెళ్లి చిరంజీవిని కలిశాడు. ఆ సమయంలో ఆయన తిలక్ వర్మను శాలువాతో సత్కరించి అభినందించారు.ఆ సందర్భంగా తీసుకున్న ఫోటోలను తిలక్ వర్మ సోషల్ మీడియాలో పంచుకుంటూ, “చిన్నప్పటి నుంచి నా ఏకైక హీరో చిరంజీవి గారు. ఆయనను కలవడం నా కల. ఆయన వినయం నాకు ఎంతో స్ఫూర్తినిచ్చింది” అని క్యాప్షన్‌గా పేర్కొన్నాడు. సంక్రాంతి సందర్భంగా విడుదలైన ‘మన శంకరవర ప్రసాద్ గారు’ సినిమా బ్లాక్‌బస్టర్ విజయాన్ని సాధించింది.ఇటీవల ఐసీసీ టీ20 ప్రపంచకప్ 2026 విజయానంతరం, Ram Charan నటిస్తున్న ‘పెద్ది’ సినిమా సెట్స్‌ను తిలక్ వర్మ సందర్శించాడు. అక్కడ రామ్ చరణ్‌ను కలిసిన తిలక్, సినిమాలోని కొన్ని స్పోర్ట్స్ సన్నివేశాలను చూశాడు. అవి చాలా సహజంగా, అద్భుతంగా ఉన్నాయని ప్రశంసించాడు. క్రికెటర్‌గా తాను ఆ సన్నివేశాలతో బాగా కనెక్ట్ అయ్యానని తెలిపాడు.ఈ సందర్భంగా రామ్ చరణ్, ‘పెద్ది’ షూటింగ్‌లో ఉపయోగించిన పాత క్రికెట్ బ్యాట్‌ను తిలక్‌కు గుర్తుగా బహూకరించారు. ఆ బ్యాట్‌పై తన ఆటోగ్రాఫ్‌ను కూడా అందించారు.ఐపీఎల్ నేపథ్యంలో జరిగిన పలు చిట్‌చాట్ ఇంటర్వ్యూల్లో కూడా తాను మెగా అభిమానినని తిలక్ వర్మ స్పష్టం చేశాడు. చిరంజీవితో పాటు పవర్ స్టార్ Pawan Kalyan, రామ్ చరణ్ సినిమాలు కూడా చూస్తానని తెలిపాడు. మాస్ సినిమాలతో పాటు స్పోర్ట్స్ డ్రామాలు తనకు ఇష్టమని వెల్లడించాడు.‘RRR’ సినిమా తనకు ఎంతో నచ్చిందని, అందులో ఎన్టీఆర్, రామ్ చరణ్ నటనకు తాను అభిమానినని చెప్పాడు. తెలుగు సినిమా గ్లోబల్ స్థాయికి చేరడం గర్వకారణమని పేర్కొన్నాడు.టీ20 ప్రపంచకప్ విజయానంతరం ఆలస్యంగా (మార్చి 16) హైదరాబాద్‌కు వచ్చిన తిలక్ వర్మ, తెలంగాణ సీఎం Revanth Reddyను కలిశాడు. ఈ సందర్భంగా సీఎం ఆయనను సత్కరించారు. ఆపై ఐపీఎల్ 2026 సీజన్ కోసం ముంబై చేరుకున్న తిలక్, ప్రాక్టీస్ క్యాంప్‌లో పాల్గొంటున్నాడు.తిలక్ వర్మ మెగా అభిమాని అని తెలిసిన తర్వాత, మెగా అభిమానులు ఆయనను తమవాడిగా స్వాగతిస్తున్నారు.