by Suryaa Desk | Mon, Apr 20, 2026, 02:33 PM

నోటి పరిశుభ్రతలో భాగంగా నాలుకను శుభ్రం చేసుకోవడం ముఖ్యం. అయితే, టంగ్ క్లీనర్‌తో నాలుకను అతిగా, గట్టిగా రుద్దడం వల్ల రుచి గ్రంధులు దెబ్బతిని, రుచిని కోల్పోయే ప్రమాదం ఉందని ENT నిపుణులు హెచ్చరిస్తున్నారు. నాలుకపై ఉండే ఫిలిఫామ్ పాపిల్లేలను గట్టిగా రుద్దడం వల్ల వాటి ఉపరితలం దెబ్బతింటుంది. దీనివల్ల రుచి, ఉష్ణోగ్రత గ్రహించే సామర్థ్యం తగ్గుతుంది. నాలుకను శుభ్రం చేయాల్సి వస్తే, కేవలం ముందు మూడో వంతు భాగాన్ని మాత్రమే సున్నితంగా శుభ్రం చేసుకోవాలని, వెనుక భాగం వరకు గీకకూడదని సూచిస్తున్నారు.