|
|
by Suryaa Desk | Fri, Nov 29, 2024, 06:36 PM
బాబీ దర్శకత్వంలో టాలీవుడ్ హీరో నందమూరి బాలకృష్ణ ఒక సినిమా చేస్తున్న సంగతి తెలిసిందే. ఎంతో ఆసక్తిగా ఎదురుచూస్తున్న మాస్ ఎంటర్‌టైనర్ కి "డాకు మాహారాజ్" అనే టైటిల్ ని లాక్ చేసారు. కొద్దిరోజుల క్రితం విడుదలైన టైటిల్ టీజర్ ఆయన అభిమానులను, సినీ ప్రియులను ఉర్రూతలూగించింది. ఇప్పటికే ఈ సినిమా ఇంటర్వెల్ బ్యాంగ్‌గా ఉంటుందని, బాలకృష్ణ తన పెర్ఫార్మెన్స్‌తో అదరగొట్టేస్తాడని పుకార్లు షికార్లు చేస్తున్నాయి. లేటెస్ట్ రిపోర్ట్స్ ప్రకారం, ఈ సినిమా యొక్క ఫస్ట్ సింగల్ ని మూవీ మేకర్స్ త్వరలో విడుదల చేయటానికి ప్లాన్ చేస్తున్నట్లు ఫిలిం సర్కిల్ లో వార్తలు వినిపిస్తున్నాయి. రానున్న రోజులలో ఈ సాంగ్ విడుదల తేదీని చిత్ర బృందం అధికారికంగా ప్రకటించనుంది. ఈ చిత్రంలో ఊర్వశి రౌటేలా, ప్రగ్యా జైస్వాల్, శ్రద్ధా శ్రీనాథ్ కథానాయికలుగా నటిస్తున్నారు. ఈ చిత్రంలో బాబీ డియోల్, చాందిని చౌదరి, రిషి కీలక పాత్రలలో నటిస్తున్నారు. ఈ చిత్రంలో బాలకృష్ణ ద్విపాత్రాభినయం చేయనున్నారు. భారీ బడ్జెట్‌తో నిర్మిస్తున్న ఈ చిత్రానికి తమన్‌ సంగీతం అందించారు. సితార ఎంటర్‌టైన్‌మెంట్స్‌ పతాకంపై నాగవంశీ, ఫార్చూన్‌ఫోర్ సినిమా పతాకంపై సాయి సౌజన్య ఈ చిత్రాన్ని నిర్మిస్తున్నారు. ఈ చిత్రం జనవరి 12, 2025న విడుదల కానుంది.
Latest News