హాలీవుడ్ హంతకుడి గెటప్‌లో మార్క్ జుకర్బర్గ్
international | Suryaa Desk | Published : Fri, Nov 01, 2024, 04:58 PM
మెటా అధినేత మార్క్ జుకర్బర్గ్ ‘హలోవీన్’ వేడుకల్లో సందడి చేశారు. తన భార్య, ముగ్గురు కుమార్తెలు పలు గెటప్పుల్లో ఆకట్టుకున్నారు. ‘జాన్ విక్’ హాలీవుడ్ సినిమాలోని హంతకుడి పాత్రలో మార్క్ జుకర్బర్గ్ కనిపించగా, తన భార్యా కుమార్తెలు బాలెరినా దుస్తుల్లో అలరించారు. కాగా ఆ ఫొటోలను ఫేస్‌బుక్ ఖాతాలో పోస్ట్ చేయడంతో వైరల్ అవుతున్నాయి.ఇక మెటా సీఈవో మార్క్ జుకర్బర్గ్ ఫ్యామిలీ కూడా అక్టోబర్‌ నైట్‌ ఈ హాలోవీన్‌ వేడుకలను జరుపుకుంది. ఈ సందర్భంగా జుకర్బర్గ్ దంపతులు, ముగ్గురు పిల్లలు విచిత్ర వేషధారణతో భయపెట్టే ప్రయత్నం చేశారు. ముఖ్యంగా మార్క్ జుకర్‌ బర్గ్‌ హాలీవుడ్ చిత్రం ‘జాన్ విక్’ లోని హంతకుడి పాత్రను గెటప్‌గా వేసుకోగా.. ఆయన భార్య, పిల్లలు మాత్రం మహిళా బాలెట్‌ డ్యాన్సర్‌ (బాలెరినా) దుస్తుల్లో మెరిశారు. ఇందుకు సంబంధించిన ఫొటోలను జుకర్‌ బర్గ్‌ ఎక్స్‌ వేదికగా షేర్‌ చేశారు. ఇంట్లో ఉన్న వాళ్లంతా బెలెరినాస్‌గా ఉండాలని నిర్ణయించుకున్నప్పుడు.. మీరు జాన్ విక్‌గా మారండి అంటూ ఫొటోలకు క్యాప్షన్‌ ఇచ్చారు. ప్రస్తుతం ఈ ఫొటోలు వైరల్‌గా మారాయి. వీటిని చూసిన నెటిజన్లు రకరకాలుగా కామెంట్స్‌ చేస్తున్నారు.
|
|