భారతీయులకు లబ్ది చేకూరేలా.. ఓపెన్ వర్క్ పర్మిట్ నిబంధనలు సడలించిన కెనడా

కెనడా ప్రభుత్వం అంతర్జాతీయ విద్యార్థులు మరియు విదేశీ కార్మికుల జీవిత భాగస్వాముల కోసం ఓపెన్ వర్క్ పర్మిట్ల నిబంధనలను సడలించింది. దీంతో కెనడానిలోని వేలాది మంది భారతీయులకు ప్రయోజనం చేకూరబోతుంది. కెనడా ప్రధాని జస్టిన్ ట్రూడో తన పదవికి రాజీనామా చేస్తానని ప్రకటించిన కొన్ని రోజుల తర్వాతే ఈ చర్య తీసుకున్నారు. ముఖ్యంగా 2025 జనవరి 21వ తేదీ నుంచి అర్హత కల్గిన అంతర్జాతీయ విద్యార్థులు, విదేశీ ఉద్యోగుల జీవిత భాగస్వాములు మాత్రమే ఓపెన్ వర్క్ పర్మిట్ కోసం దరఖాస్తు చేసుకోవాలని సూచించింది.

నిర్దిష్ట ప్రమాణాలు, 16 నెలలు అంతకంటే ఎక్కువ కాల పరిమితి ఉన్న మాస్టర్స్ సహా అధిక డిమాండ్ ఉన్న ఉద్యోగ రంగాలపై దృష్టి సారించి వాళ్ల కుటుంబీకులకే ఈ సడలింపు వర్తించనుంది. అలాగే విదేశీ కార్మికులపై ఆధారపడిన పిల్లలు మాత్రం ఇందుకు అర్హులు కాదు. అయినప్పటికీ పాత నిబంధనలు ప్రకారం ఆమోదం పొందిన వారు మాత్రం రెన్యూవల్ చేసుకొని దాన్ని కొనసాగించవచ్చు. ఈ మార్పులు భారతీయుల విద్యార్థులకు ప్రయోజనం చేకూర్చనున్నాయి. ముఖ్యంగా దీని వల్ల చదువుకునే విద్యార్థులతో పాటు ఉద్యోగాలు చేసే వాళ్లంతా తమ భాగస్వాములను వెంట తీసుకచ్చుకోవచ్చు.

కెనడా అంతర్జాతీయ విద్యార్థుల జనాభాలో గణనీయమైన భాగాన్ని కల్గి ఉన్న భారతీయ విద్యార్థులకు ఈ మార్పులు ప్రోత్సాహకరంగా భావిస్తారు. 2023లో కెనడా జారీ చేసిన స్టడీ పర్మిట్లలో దాదాపు 37 శాతం భారతీయు పౌరులు ఉండడంతో.. ఈ కొత్త చర్యల వల్ల వారి భాగస్వాములు సైతం ఉద్యోగాలు చేసుకోవచ్చు. కెనడా ఆర్థిక వ్యవస్థ, కార్మిక శక్తికి ఊతమిచ్చేందుకు ఆ దేశ ప్రభుత్వం ఈ నిర్ణయం తీసుకుంది. గతేడాది సెప్టెంబర్ నెలలో తాత్కాలిక నివాసితుల సంఖ్య చాలా వరకు తగ్గిందని IRCC అంచనా వేసింది.

కెనడా మొత్తం జనాభాలో 6.5 శాతం నుంచి 2026 నాటికి 5 శాతానికి తగ్గనుంది. అయితే ఈ అంతరాన్ని తగ్గించే ప్రయత్నంలో భాగంగానే ఫెడరల్ ప్రభుత్వం తాత్కాలిక పెరుగుదలను పెంచేందుకు ఈ చర్య తీసుకుంటోంది. అలాగే కెనడా సర్కారు 2025 కోసం అంతర్జాతీయ విద్యార్థుల అధ్యయన అనుమతుల సంఖ్యను కూడా తగ్గించింది. ముఖ్యంగా 2024లో 4,85,000 లక్ష్యం ఉండగా.. ఈ ఏడాది వాటిని పది శాతం తగ్గించి 4,37,000లకు పరిమితం చేసింది. IRCC స్టడీ పర్మిట్ల సంఖ్య ఈ ఏడాది ఎలా ఉంటుందే.. వచ్చే ఏడాది అంటే 2026లో కూడా అలాగే ఉండబోతుంది.