సీఎం ఎంట్రీతో,,,యూట్యూబర్ రణ్‌వీర్ అల్లాబాడియా సారీ

ఫేమస్ యూట్యూబర్ రణ్‌వీర్ అల్లాబాడియా చేసిన వివాదాస్పద వ్యాఖ్యలతో దేశ వ్యాప్తంగా రచ్చ జరుగుతోంది. ముఖ్యంగా మహారాష్ట్ర ముఖ్యమంత్రి.. రణ్‌వీర్ అల్లాబాడియా చేసిన కామెంట్లను తప్పుపట్టగా.. స్పందించిన ఆయన క్షమాపణలు చెప్పారు. తాజాగా కేంద్ర ప్రభుత్వం కూడా దీనిపై స్పందించి.. ఆ వీడియోను యూట్యూబ్ నుంచి తొలగించాలంటూ సదరు సంస్థకు నోటీసులు పంపింది. ఈక్రమంలోనే యూట్యూబ్ సైతం ఈ వీడియోను తొలగించింది. ఆ పూర్తి వివరాలు మీకోసం.

ఇటీవలే ఈ టీవీ షోలో మాట్లాడుతూ.. యూట్యూబర్, పాడ్‌కాస్టర్ అయిన రణ్‌వీర్ అల్లబాడియా వివాదాస్పదన వ్యాఖ్యలు చేశారు. ముఖ్యంగా "ఇండియాస్ గాట్ టాలెంట్ షో"లో పాల్గొని.. ఓ మహిళా కంటెస్టెంట్‌తో మీ తల్లిదండ్రులు సెక్స్ చేయడం జీవితాంతం చూస్తావా అని అడిగారు. అంతేకాకుండా ఒకసారి కలిసి శాశ్వతంగా ఆపేస్తావా అంటూ ప్రశ్నించారు. రణ్‌వీర్ అల్లబాడియా చేసిన ఈ కామెంట్లకు అక్కడి వారంతా నోరు మెదలపేదు. తీవ్ర ఆశ్చర్యం కనబరుస్తూనే.. దాన్ని కవర్ చేసుకోవడానికి నవ్వుతూ మొహం పెట్టారు.

అయితే ఇందుకు సంబంధించిన వీడియో నెట్టింట వైరల్ కాగా.. అందరూ దీనిపై తీవ్ర ఆగ్రహం వ్యక్తం చేస్తున్నారు. ముఖ్యంగా ఆయన.. తల్లిదండ్రుల గురించి ఇంత పచ్చిగా మాట్లాడడాన్ని ఎవరూ జీర్ణించుకోలేకపోతున్నారు. ఈక్రమంలోనే నెటిజెన్లు అందరూ ఆయన్ను అన్ ఫాలో చేయాలంటూ కామెంట్లు చేస్తున్నారు. ఈ విషయం తెలుసుకున్న మహారాష్ట్ర ముఖ్యమంత్రి దేవేంద్ర ఫడణవీస్ సహా అనేక మంది రాజకీయనాయకులు సైతం దీనిపై ఆగ్రహం వ్యక్తం చేశారు.

దీంతో రణ్‌వీర్ అల్లాబాడియా తన తప్పును ఒప్పుకుంటూ ఓ వీడియో విడుదల చేశారు. అందులో ప్రజలందరికీ క్షమాపణలు చెప్పారు. తనకు జోకులు వేయడం రాదని.. ఏదేదో తప్పుగా మాట్లాడానని కూడా ప్రకటించారు. అయినప్పటికీ కోపం చల్లారని చాలా మంది ఇతడిపై కేసులు పెట్టారు. ఇది జరిగిన ఒక్క రోజు వ్యవధిలోనే కేంద్ర ప్రభుత్వం సైతం దీనిపై స్పందించింది. ముఖ్యంగా సమాచార, మంత్రిత్వ శాఖ నుంచి యూట్యూబ్ సంస్థకు నోటీసులు అందాయి.

రణ్‌వీర్ అల్లాబాడియాకు చెందిన వివాదాస్పద వీడియోను వెంనటే యూట్యూబ్ నుంచి డిలీట్ చేయాలని నోటీసుల్లో వివరించింది. దీంతో సదరు సంస్థ రణ్‌వీర్ అల్లాబాడియా వీడియోను డిలీట్ చేసేసింది. ఇదంతా ఇలా ఉండగా.. ఈ అంశాన్ని తాను పార్లమెంటులో లేవనెత్తుతానని శివసేన రాజ్యసభ ఎంపీ ప్రియాంక చతుర్వేది సోషల్ మీడియా వేదికగా ప్రకటించారు. కామెడీ పేరుతో భాషా పరిమితులు దాటడం ఆమోదయోగ్యం కాదంటూ ఆగ్రహం వ్యక్తం చేశారు. చూడాలి మరి ఈ గొడవ ఇంకా ఎక్కడి వరకు వెళ్తుందనేది.